Salam, əziz izləyicilər. Bakuplus.az komandası bu dəfə sizin üçün cizgi filmi tövsiyə etmək istəyir. Haqqında danışacağımız animasiya həm uşaqlar, həm də böyüklər üçün yaradılıb. Buna görə də filmə uşaqlarınızla birgə baxa bilərsiniz.
Ad: “Soul”
Janr: animasiya, səyahət, komediya
Reytinq: 8/10
Vaxt: 1 saat 40 dəqiqə
Cizgi filmində ruhların dünyadakı həyatlarına hazırlaşdıqları və özlərini axtarmaqla məşğul olduqları göstərilir. “O” qığılcımı, yəni həyatda nədən zövq alacaqlarını tapdıqdan sonra ruhlar dünyaya, insan bədənində yaşamağa gedirlər. Ancaq illərdir öz qığılcımını tapa bilməyən və həyatdan öncəki mərhələdə qalan bir ruh var. O, burada özünü yaxşı hiss edir və dünyadakı həyatı başa düşmür. Lakin səhvən bir insanın bədəninə girən “22” adlı ruh öz qığılcımını tapacaq kimi görsənir.
Hamının sevdiyi animasiyaları çəkən “Pixar” studiyası bu dəfə də insanların ürəyinə toxuna bilib. Cizgi filmində çox sadə dildə ambisiyalarla yanaşı, həyatdan həzz almağın vacibliyi göstərilir. Hətta “həyatın mənasını əks etdirir” deməyə də cəsarət edə bilərik. Hər bir insanın individual olması, hər birinin öz maraq və bacarıqlara sahibliyi çox sadə dildə başa salınır.
Animasiya 2 kateqoriyada “Oskar”, 2 kateqoriyada “Qızıl Qlobus” və 2 kateqoriyada Britaniya Akademiyasının mükafatlarını qazanmağı bacarıb.
Demək bizdən, izləmək sizdən!
[URIS id=73934]
