QOÇ bürcü
Bu həftə Qoçun hər hansı bir işi başgicəlləndirici müvəffəqiyyətlə başa çatacaq. Başqalarına tam dəlilik kimi görünən bir layihəyə başlamaq istəyirsiniz? Cəsarət edin və təxirə salmayın: bütün tənqidçilər və bədxahlar həftənin sonunda paxıllıqdan “dirsəklərini dişləyəcəklər”. Həftənin sonunda kiçik səyahətə çıxmaq təklifi gəlsə, təəccüblənməyin: mütləq razılaşın, bəlkə də bu, həyatınızdakı ən yaddaqalan səyahət olacaq. Uğurlu günləriniz 25, 29 aprel, uğursuz gününüz isə 26 apreldir.
BUĞA bürcü
Buğalar öz qabiliyyətlərinə inamını itirməyə başlaya bilərlər: səbəb yorğunluq olacaq. Mümkün qədər istirahət edin və ya məzuniyyət götürün. Ola bilsin ki, bu dövrdə yaxın insanın niyyətlərini səhv başa düşəcəksiniz: istəkləri dinləməyə və onlara əməl etməyə çalışın. Həftənin ikinci yarısında Buğa çoxdankı işlərindən birini həll edəcək. Həftəsonu boynunuzda bəslədiyiniz ilan sizi sanca bilər: yaxın bir insan sizə xəyanət edə bilər. Uğurlu günləriniz 24, 27 aprel, uğursuz gününüz isə 30 apreldir.
ƏKİZLƏR bürcü
Bu həftə Əkizlər xəyallara dalaraq reallıqdan uzaqlaşacaqlar: xəyal etmək əvəzinə bir işdən yapışın və inanın ki, sonda uğur qazanacaqsınız. Həftənin ortasında sizə məsuliyyət tələb edən bir iş tapşırılacaq: əgər öhdəsindən gəlsəniz, həyatınız yaxşıya doğru dəyişəcək. Sevgi cəbhəsində gərginlik istisna edilmir: güzəştə getməyə çalışın, hətta doğru olsanız belə. Uğurlu günləriniz 26, 27 aprel, uğursuz gününüz isə 24 apreldir.
XƏRÇƏNG bürcü
Bu həftə sizə nifrətlə baxanların, uğurunuza sevinməyənlərin, paxılların, quyu qazanların ürəyi partlayacaq! Xərçəngin qarşısına elə bir şans çıxacaq ki, onun həyatı 180 dərəcə dəyişəcək. Bundan əlavə, siz sadiq dostlar qazanacaqsınız və onlarla bir yerdə uğur qazanmağa davam edəcəksiniz. Həftəsonu sevgi macəraları ilə dolu olacaq: romantik görüş və sevgi etirafı gözləyin. Uğurlu günləriniz 25, 29 aprel, uğursuz gününüz isə 28 apreldir.
ŞİR bürcü
Yer Günəş ətrafında fırlandğı kimi, bu həftə bütün dünya sizin ətrafınızda fırlanacaq. Demək olar ki, hər bir işiniz müvəfəqiyyətlə sonlanacaq və bol-bol uğurlar qazanacaqsınız. Bundan əlavə, müdiriyyət tərəfindən maddi bonuslar ala bilərsiniz. Həftəsonu pərəstişkarlarınız artacaq: komplimentlər, hədiyyələr almaqdan bezəcəksiniz. Uğurlu günləriniz 25, 29 apreldir, uğursuz gününüz gözlənilmir.
QIZ bürcü
Qız bürcü hamını heyrətləndirir, o, ulduz kimi parlayır: yalnız korlar Qızın arxasınca dönmürlər. Həftənin əvvəlində sizi sonsuza qədər sevəcək bir insanla qarşılaşacaqsınız. Həftəiçi uğur sizinlə olacaq və aprelin sonuna kimi sizi təqib edəcək. Dostlarınız sizi sevirlər və bunu isbat edəcəklər: sürprizlərə hazır olun. Həftəsonu sizi narahat edən məsələ həll olunacaq. Uğurlu günləriniz 24, 30 aprel, uğursuz gününüz isə 29 apreldir.
TƏRƏZİ bürcü
Bu həftə Tərəzi çox enerjili və qətiyyətli olacaq: məqsədlərinizə çatmaq üçün bundan istifadə edin və üzərinizə daha çox məsuliyyət götürməkdən qorxmayın. Həftəsonu başqa insanların köməyinə ehtiyacınız ola bilər. Hər hansı bir çətinliyiniz olarsa, kömək istəməkdən çəkinməyin: planlarda gözlənilməz dəyişikliklərə hazır olun. Əgər küsülü qaldığınız bir insan varsa, onunla barışın: hər kəs ikinci şansa layiqdir. Uğurlu günləriniz 27, 30 aprel, uğursuz gününüz isə 25 apreldir.
ƏQRƏB bürcü
Ulduzlar Əqrəbə macəra vəd edir: ola bilsin ki, bu bürcün nümayəndələri keçmişdən gələn insanlarla görüşəcək və bir vaxtlar xoşbəxt olduqları yerləri ziyarət etmək istəyəcəklər. Bu həftə gələcəyiniz üçün vacib olacaq bir qərar verəcəksiniz: 100 ölçüb, bir biçin. Şəxsi həyatınız barədə də unutmayın, çünki ikinci yarınız diqqətdən yayına bilər: aranızdakı qığılcım yenidən alovlansın deyə romantik bir axşam keçirin. Uğurlu günləriniz 28, 29 aprel, uğursuz gününüz isə 26 apreldir.
OXATAN bürcü
Bu həftə Oxatan bürcünün nümayəndələri işləri və ya biznesləri ilə bağlı xoş xəbərlər ala bilərlər. Gələcəyiniz sizin əlinizdədir: risk etməkdən qorxmayın və çoxdandır həyata keçirmək istədiyiniz planları reallaşdırmağa başlayın. Həftəsonu emosional gərginlik yaşaya bilərsiniz: dostlar və ya sevgiliniz sizi bezdirə bilərlər. Çalışın, bu dövrdə səbirli olun: bir artıq söz münasibətinizə təsir edə bilər. Uğurlu günləriniz 26, 27 aprel, uğursuz gününüz isə 24 apreldir.
OĞLAQ bürcü
Bu həftə maliyyə planlarının həyata keçirilməsi üçün yaxşı dövr ola bilər: maddi vəziyyətinizi yaxşılaşdırmaq üçün yeni imkanlar tapa bilərsiniz, lakin mütləq intuisiyanıza uyğun hərəkət edin. Yaradıcılıq qabiliyyətlərinizi inkişaf etdirməlisiniz, çünki o, işinizdə sizə faydalı ola bilər: bəlkə də ağlınıza həyata keçirilməsi sizə şöhrət və uğur gətirəcək parlaq bir fikir gələcək. Həftəsonu dələduzlarla qarşılaşa bilərsiniz: şübhəli təkliflərə cavab verməyə tələsməyin. Uğurlu günləriniz 24, 25 aprel, uğursuz gününüz isə 28 apreldir.
DOLÇA bürcü
Bu həftə bəxtinizi sınayacaqsınız: riskli işə əl atacaqsınız, uğur qazanmağınız isə sizin bacarığınızdan asılı olacaq. Subay qızlar elçi gözləsinlər. Varlı oğlanın sevgilisi olmağa hazırsınız? Oğlanların bəxti bir az gətirməyəcək: internetdə tanış olduğunuz qız sizi aldada bilər. Odur ki, çalışın, sevgini real həyatda axtarın. Həftənin ortasında maliyyə vəziyyətiniz yaxşılaşacaq. Bu bürcdən olan iş adamları bu həftə böyük uğurlar qazanacaqlar. Bunun sayəsində onlar cəmiyyətdə şöhrət, ailədə hörmət əldə edəcəklər. Uğurlu günləriniz 24, 30 aprel, uğursuz gününüz isə 29 apreldir.
BALIQLAR bürcü
Bu həftə əlinizə pul gələcək, lakin onu lazımsız yerə xərcləsəniz, cibiniz bomboş olacaq. Odur ki, çalışın, çox pul xərcləməyin. Həftə ərzində sənədlərlə, maddi dəyərlərlə işləyərkən diqqətli olmalısınız, yoxsa kiçik bir səhv sizə çox baha başa gələ bilər. Həftəsonu sizə karyera yüksəlişi gətirəcək, lakin səbirli olmaq və tələsik qərarlar qəbul etməmək tövsiyə olunur. Ürəyinizin qapısını açıq qoyun: həyatınıza sizi xoşbəxt edəcək insan daxil ola bilər. Uğurlu günləriniz 27, 28 aprel, uğursuz gününüz isə 25 apreldir.
