Türkiyədə baş vermiş zəlzələdə həlak olmuş dörd azərbaycanlının nəşi Bakıya gətirilib. Bu haqda bu gün, 13 fevral tarixində Avtosfer.az məlumat verib.
Xarici İşlər Nazirliyinin (XİN) Mətbuat Xidməti İdarəsinin rəisi Ayxan Hacızadənin sözlərinə görə, dağıdıcı fəlakət zamanı beş nəfər azərbaycanlı vəfat edib. Bir nəfərin nəşinin qohumları tərəfindən Türkiyədə dəfn edilməsi qərara alınıb.
“Türkiyənin Kahramanmaraş və ətraf vilayətlərində baş vermiş dağıdıcı zəlzələdə həlak olan vətəndaşlarla bağlı hələlik yeni məlumat yoxdur”, - deyə Hacızadə əlavə edib.
Türkiyədə baş vermiş güclü zəlzələdən nəticəsində 31.643 nəfər ölüb, 158.165 nəfər yaralanıb.
