Bu gün sizinlə həmişə aktual olan bullinq mövzusu barədə söhbət açacağıq. Uşaqları bullinqdən qorumağa, onun əlamətlərini tapmağa kömək edəcəyik. 15 sentyabrdan məktəblər açılır. Bu çox sevindirici xəbər olsa da, bəzi uşaqların “məktəb” sözü ilə xoşagəlməz assosiasıyaları yaranır.
Uşaqlar ən çox məhz məktəb vaxtı bullinqlə üzləşirlər. Bullinq (ing. bullying) - hər hansı bir şəxsə güc tətbiq etmə, təhdid və ya sui-istifadəyə məcbur etmə, hədələmə və ya təcavüzkarlıqla idarə etmə deməkdir.
Uşaqlar onlardan fərqli olanları sevmirlər - bu kateqoriyaya çox hündür və ya qısaboy, artıq çəkili, fiziki qüsurlu uşaqlar aiddir. Həmçinin onun sosial vəziyyəti - kasıb, yetim olması, valideynlərinin boşanması və başqa amillər bullinqin səbəbi ola bilər. Çox vaxt digər şagirdlərə aqressiyə göstərən uşaqlar başqalarını incitməklə, alçaltmaqla özlərini təsdiq etməyə çalışırlar.
Bullinq təkcə fiziki deyil, həm də psixoloji zorakılıqla müşahidə olunur. Ona görə də valideynlər ayıq-sayıq olmalıdır və vaxtında əlamətləri aşkar etməlidirlər:
Valideynlər vaxtında uşaqlarına düzgün tərbiyə verərək, onlara “Hamı bərabərdir” prinsipini izah edərək övladlarının nəinki bullinqin səbəbkarı, həmçinin qurbanı olmağının qarşısını ala bilərlər.
Sualımız izləyicilərədir:
Bəs sizin məktəbinizdə bullinqə məruz qalan şagirdlər olub? Sizcə bullinqə məruz qalan şagirdin, yoxsa bullinq səbəbkarı olan uşağın valideynində günah çoxdur?
Əgər uşağınızı ələ salırlarsa, siz valideyn olaraq uşağın şikayətlərini diqqətlə dinləməli və buna ciddi yanaşmalısınız, qulaqardına vurmamalısınız. Ən kritik vəziyyətdə hüquq-mühafizə orqanlarını cəlb etməli, lazım gəldikdə hətta təhsil yerini dəyişməlisiniz.
