QOÇ bürcü
Həyatdakı məqsədlərinizi nəzərdən keçirməyin vaxtı gəldi: əlçatmaz və artıq maraq kəsb etməyən işləri bir kənara qoyub özünüz üçün yeni planlar qurun. Cümə axşamından sonra sizə cəlbedici təklif gələcək. Razılaşmazdan əvvəl peşəkarlardan məsləhət alın. Sirlərinizi heç kimə deməyin, əks halda dedi-qodu obyektinə çevrilmək riskiniz yaranacaq. Cümə günü yeni perspektivli iş tapmaq və ya karyeranızda dəyişikliklər etmək şansınız olacaq. Uğurlu günləriniz 19, 20 noyabr, uğursuz gününüz isə 14 noyabrdır.
BUĞA bürcü
Bu həftə arzularınız gerçəkləşəcək. Bunun üçün əlavə səy göstərməyə belə gərək olmayacaq, odur ki, ulduzların sizə bəxş edəcəyi sevincli günlərə hazır olun. İşdə və şəxsi həyatınızda hər şey sizin xeyrinizə olacaq. Həyatın harmoniyasını və xoşbəxtliyi hiss edəcəksiniz. Bürcün qısqanc nümayəndələri sevgililəri ilə problemlər yaşaya bilərlər. Həssas məqamlara soyuq başla yanaşın, çünki ikinci yarınıza güvənməyi bacarmalısınız. Həftəsonu pul qazanmaq üçün maraqlı təklif gələcək. Uğurlu günləriniz 15, 19 noyabr, uğursuz gününüz isə 16 noyabrdır.
ƏKİZLƏR bürcü
Həftə uğursuz başlaya bilər: planlarınız istədiyiniz kimi getməyəcək. Lakin həftəsonu problemlər rahatlıqla həll olunacaq. Bəzi insanlar olacaq ki, sizin kefinizi pozacaqlar: boş-boş danışacaqlar, lazımsız məsləhətlər verəcəklər, sizi özünüzdən çıxaracaqlar. Şənbə günü varlı olmaq üçün daha bir addım atacaqsınız, çünki rəhbərlik sizin əziyyətinizi, peşəkarlığınızı dəyərləndirəcək və yeni vəzifə verəcək. Bəzi Əkizlər münasibətə hazır olduğunu hiss edəcəklər və onlardan ötrü “ölən” Məcnuna ürəklərini açacaqlar. Uğurlu günləriniz 14, 17 noyabr, uğursuz gününüz isə 15 noyabrdır.
XƏRÇƏNG bürcü
Bu həftə həyatın asanlaşdığını hiss edə bilərsiniz: bütün işləriniz yağ kimi gedəcək. Sizi sevən, sizə aşiq olan bir nəfər var, lakin siz onu görmürsünüz, ya da onu dost kimi qəbul edirsiniz. Həftəsonu dostluq pərdəsi açılacaq və sizə etiraf gələcək. “Yox” dəsəniz, çox şey itirə bilərsiniz, qarşılıq versəniz xoşbəxt olmağa doğru vacib addım atmış olacaqsınız. Həftəsonu bu bürcün xanım nümayəndələri yaxın rəfiqələri tərəfindən zərbə alacaqlar; ola bilsin, sevgilinizi əldən almağa çalışsın. Uğurlu günləriniz 18, 20 noyabr, uğursuz gününüz isə 19 noyabrdır.
ŞİR bürcü
Bu həftə Şir hamını özünə aşiq edəcək, lakin sonda çoxlarının ürəyini qıracaq. Sizə qarşı aşırı diqqət göstəriləcək: bu, karyerada uğur, xarici görünüş və eşq macəraları ilə bağlı olacaq. Həyatın sakit, maraqsız keçdiyini düşünən Şir dəyişiklik etmək istəyəcək. Ən maraqlı və rəngarəng günlər elə bundan sonra başlayacaq. Həftəsonu xərclər arta bilər, odur ki, çalışın, lazımsız alış-verişlərə son qoyasınız. Evli olanlar şənbə günü şad xəbər eşidəcəklər. Uğurlu günləriniz 15, 16 noyabr, uğursuz gününüz isə 14 noyabrdır.
QIZ bürcü
Bu həftəni şad xəbərlə açacaqsınız: çoxdandır üzərində işlədiyiniz məsələ həll olunacaq. Lakin sevgi cəbhəsində problemlər yaşana bilər: ikinci yarınıza lazımi diqqət vermədiyinizdən aranızda soyuqluq yaranacaq. Subay Qızlar toya hazırlaşsınlar, axır ki, bəxtiniz açılır. Ulduzlar sizə elə bir insanı seçib ki, onu görənin ağzı açıq qalır. Ümumiyyətlə, həyat daim sizi sınayır və bu sınaqlardan uğurla keçənləri sonda mütləq mükafatlandırır. Həftəsonu elə hədiyyə alacaqsınız ki, xoşbəxtlikdən göz yaşlarınızı saxlaya bilməyəcəksiniz. Uğurlu günləriniz 17, 19 noyabr, uğursuz gününüz isə 19 noyabrdır.
TƏRƏZİ bürcü
Vacib işləriniz varsa, onları təxirə salmamaq daha yaxşıdır, çünki həftənin birinci yarısı ikincisindən daha əlverişli olacaq. Bu, təkcə işə və ya təhsilə deyil, həm də həyatın sizin üçün vacib olan hər hansı sahəsinə aiddir. İşi ünsiyyətlə bağlı olanlar üçün həftənin ikinci yarısı çətin olacaq. Əgər hər hansı tədbirdə və ya ictimai çıxışda iştirak etməyi planlaşdırmısınızsa, hazırlığa ciddi yanaşın, çünki düzgün təəssürat yaratmaq həmişəkindən daha çətin olacaq. İstənilən maliyyə məsələsində daha diqqətli olmalısınız, başdansovluq itkilərə gətirə bilər. Uğurlu günləriniz 15, 20 noyabr, uğursuz gününüz isə 17 noyabrdır.
ƏQRƏB bürcü
Bu həftə işinizdə əsl sıçrayış, böyük peşəkar uğur əldə etmək şansınız olacaq: karyera nərdivanları ilə yüksəlib çoxdan arzuladığınız vəzifəni əldə edə biləcəksiniz. Sevgi cəbhəsində dəyişikliklər olacaq: əvvəllər sizi cəlb etməyən bir insana diqqət yetirməyə başlayacaqsınız. Həmin insan çox uzun müddətdir sizin ətrafınızdadır: o, sizi gizli sevir, lakin öz hisslərini bildirmək üçün özündə cəsərət tapa bilmir. Maddi durumunuza fikir verin: yaxın bildiyiniz insanlar sizi “yeyirlər”. Uğurlu günləriniz 15, 19 noyabr, uğursuz gününüz isə 20 noyabrdır.
OXATAN bürcü
Bu həftə yuxulu Kupidon oxunu bir nəfərə atacaq: başınıza maraqlı hadisələr gələcək. Siz Məcnun kimi bir nəfərin dalınca “sürünəcəksiniz”, sonunun yaxşı və ya pis olması isə sizdən asılı olacaq. Çərşənbə axşamı bu həftənin ən uğurlu günü olacaq. Çoxdandır planlaşdırdığınız işləri məhz həmin gün reallaşdırın, mütləq uğur qazanacaqsınız. Evli olan Oxatanın qayınanası ilə münasibəti korlana bilər: ortada boş-boş söz söhbətlər gedəcək. Lakin sizin düzgün addımınız hadisələrin gedişatını xeyrinizə dəyişə bilər. Uğurlu günləriniz 15, 18 noyabr, uğursuz gününüz isə 16 noyabrdır.
OĞLAQ bürcü
Bu həftə mümkünsüz görünənlər gerçəyə çevriləcək. Həftə çox uğurlu olacaq və arzularınız yerinə yetəcək. Bu, həmçinin sevgi münasibətlərində də özünü göstərəcək, odur ki, bu dövrdə ürəyinizdə olan insana hisslərinizi açın. Qorxmayın, “yox” cavabını almaq ehtimalı 0%-dir. Həftəsonu Buğa və ya Xərçəng bürcləri ilə davanız düşə bilər. Çalışın, həmin bürcdən olan insanlarla münaqişə etməyin. Bazar günü cekpot qazanacaqsınız və hamı sizin əlinizə baxacaq. Uğurlu günləriniz 14, 16, 20 noyabrdır, uğursuz günləriniz gözlənilmir.
DOLÇA bürcü
Həftənin əvvəlində yolunuzdan qara pişik keçəcək: işləriniz istədiyiniz kimi getməyəcək. Ona görə vacib işləri çərşənbə günündən sonraya saxlayın. Həftəsonu tanımadığınız insan tərəfindən iş təklifi gələcək. Fikirləşmədən razılaşın, çünki həyat təsadüfləri sevər. Bundan əlavə, riskli iş görəcəksiniz, düzgün addım atsanız varlı olacaqsınız, səhv addım isə sizi uçuruma aparacaq. Sevgi cəbhəsində yeniliklər gözləməyin, qarşıda sizi hələ “Santa Barbara” serialındakı kimi hadisələr gözləyir. Uğurlu günləriniz 19, 20 noyabr, uğursuz gününüz isə 18 noyabrdır.
BALIQLAR bürcü
Bu həftə başınız çoxdan həllini gözləyən işlərə qarışacaq: ya siz hər şeyi qaydaya qoyacaqsınız, ya da vəziyyəti daha da qəlizləşdirəcəksiniz. Bəzi həmkarlarınızla münasibətiniz korlana bilər, çünki vacib bir uğura imza atacaqsınız, onlar isə sizin sevincinizi həzm edə bilməyəcəklər və zəhərlərini üstünüzə atacaqlar. Çalışın, onlara fikir verməyin, çünki həmin insanların düşüncələri heç bir məna daşımır, qoy partlasınlar. Həftəsonu bir nəfərə aşiq ola bilərsiniz. Bu insandan bərk-bərk tutun, onunla xoşbəxt olacaqsınız. Uğurlu günləriniz 14, 15, 19, 20 noyabr, uğursuz günləriniz gözlənilmir.
