QOÇ bürcü
İşinizdə uzun müddətdir əldə edə bilmədiyiniz nəticələr, yarımçıq qalmış məsələlər bu həftə həll olunacaq. Sevgiliniz sizinlə manipulyasiya edəcək və cibinizdə olan pulunuzun “başına daş qoyacaq”. Dostlarınızla problem yaşamaqdan ehtiyatlanın: sözünüz çəp düşə bilər. Təmkinli olun, reaksiya verməyin, sakitcə öz mövqeyinizi izah edin. Subaylar bu həftə ehtiyatlı olmalıdırlar: qarşınıza üzü mələk, içi şeytan biri çıxacaq. Çalışın, əks cinsin toruna düşməyin. Uğurlu günləriniz 21, 25 dekabr, uğursuz gününüz isə 20 dekabrdır.
BUĞA bürcü
Bu həftə şəxsi həyatınızda, münasibətlərinizdə gözəl hadisələrlə qarşılaşacaqsınız. Lakin keçmişi unuda bilməyənlər üçün xoş olmayan anlar yaşana bilər. Yeni münasibətə başlayanlar, keçmişinizi silin və unudun, bir əlinizdə iki qarpız tuta bilməyəcəksiniz. Həftəsonu dərin cibləri olan şalvar geyinin: pullar göydən töküləcək. Uğurlu günləriniz 19, 24 dekabr, uğursuz gününüz isə 22 dekabrdır.
ƏKİZLƏR bürcü
Həftənin əvvəlində gözlənilməz hadisələrlə qarşılaşa bilərsiniz. Zərər görməmək üçün yanınızda güvəndiyiniz insanlar olmalıdır. Sağlamlıq problemlərinə lazımi diqqət yetirməyi unutmayın: köklükdən, allergiyadan və dəri xəstəliklərindən əziyyət çəkənlər mütləq müayinədən keçməlidirlər. Maddi durumunuzu yaxşılaşdırmaq üçün şansınız olacaq. Həmin şansdan yararlana bilsəniz, karyera yüksəlişi və ya maaş artımı gözləyə bilərsiniz. Uğurlu günləriniz 23, 25 dekabr, uğursuz gününüz isə 24 dekabrdır.
XƏRÇƏNG bürcü
Bu həftə köhnə sevgiliniz həyatınıza daxil olacaq və sizinlə yenidən münasibət qurmaq istəyəcək. Lakin unutmayın ki, sınmış badəni yapışdırsanız da, o, əvvəlki kimi olmayacaq. Həftənin ortasında sizi şoka salacaq xəbərlə üzləşəcəksiniz. Bu xəbəri, bəlkə də, çoxdan gözləyirdiniz. Həftəsonu səyahətə çıxmaq təklifi ala bilərsiniz. Uğurlu günləriniz 19, 24 dekabr, uğursuz gününüz isə 25 dekabrdır.
ŞİR bürcü
İş həyatınız sizi hər tərəfdən küncə sıxışdırsa da, bu həftə qəfəsdən çıxa biləcəksiniz. Subaysınız, evlənmək barədə fikriniz yoxdur, lakin bu həftə fikrinizi dəyişməli olacaqsınız. Qarşınıza sizin gələcək həyat yoldaşınız çıxacaq: təsadüfi tanışlıqla başlayacaq münasibət toyla bitəcək. Özünüzə vaxt ayırmağa, dincəlməyə çalışın: şopinq, ya da dostlarla görüş sizin üçün çox faydalı olacaq. Uğurlu günləriniz 20, 25 dekabr, uğursuz gününüz isə 19 dekabrdır.
QIZ bürcü
Bu həftə maddi durumunuza fikir verin, bədxərc olmayın, lazımsız yerə pul xərcləməyin. Həftəiçi planlarınızda olmayan bir təklif alacaqsınız: bu, ya işlə, ya da şəxsi həyatınızla əlaqədar olacaq. Həftəsonu qəfil bir hadisə sizin üçün yeni həyatın qapısını açacaq. Subay qızların bəxti açılacaq: qarşınıza romantik, əxlaqlı, ağıllı iş adamı çıxacaq. Əgər Şir, Oğlaq, ya da Balıqlar bürcü sizin tərəf müqabilinizdirsə, o zaman onlardan dəyərəli hədiyyə gözləyin. Uğurlu günləriniz 22, 24 dekabr, uğursuz gününüz isə 21 dekabrdır.
TƏRƏZİ bürcü
Bitirməyini düşündüyünüz işləri, indiyə qədər sizi çətinə salan məsələləri başa vurmaq və onları zibil qutusuna atmaq üçün əsl vaxtdır. Yeni həyata başlayın, özünüzdə dəyişikliklər edin, həyatınızdan lazımsız insanları silin, ürəyinizcə olmayan işdən çıxın və arzu etdiyiniz işlə məşğul olun. Həftəsonu çətin bir məsələ ilə üzləşəcəksiniz, lakin sizin dostlarınız sizi dar gündə qoymayacaqlar. Sevgi cəbhəsində uğursuzluqla qarşılaşırsınız, lakin narahat olmayın, xoşbəxt günlər qabaqdadır. Uğurlu günləriniz 23, 25 dekabr, uğursuz gününüz isə 24 dekabrdır.
ƏQRƏB bürcü
Üzr istəməyi hər kəs bacarmır, amma heç olmasa, səhvini düzəltmək istəyir: bu həftə küsülü olduğunuz bir insanla barışacaqsınız. Həftəsonu ağılsız qərarlar verə bilərsiniz. Mütləq mütəxəssislərlə məsləhətləşin, yoxsa bir səhv həyatınızı param-parça edər. Maddi durumunuz xeyli yaxşılaşacaq: üzərinizə götürdüyünüz işi təhvil verəcəksiniz və müdiriyyət tərəfindən mükafatlandırılacaqsınız. Uğurlu günləriniz 19, 24 dekabr, uğursuz gününüz isə 23 dekabrdır.
OXATAN bürcü
Sosial həyatınızda qəfil dəyişikliklər olacaq və bu sizi bir az qorxudacaq. Lakin sizin üçün faydası çox olacaq: həyatınızda yeniliklər baş verəcək. Sevgi münasibətlərinizdə soyuqluq yarana bilər, bu da sizin günahınızdır, çalışın, ikinci yarınıza daha çox vaxt ayırın. Uzaq qohumunuzdan maraqlı təklif alacaqsınız. Bu təkliflə razılaşsanız, maddi durumunuz xeyli yaxşılaşacaq. Uğurlu günləriniz 23, 24 dekabr, uğursuz gününüz isə 19 dekabrdır.
OĞLAQ bürcü
Xoşbəxt olmağa çox yaxınsınız: etməli olduğunuz tək şey bir addım atmaqdır. Bu addım üçün şansınız olacaq. Karyeranızda dəyişikliklər olacaq: yaxşı işçi olduğunuz üçün sizə yeni vəzifə verilə bilər. Sevgilinizlə romantik anlar yaşayacaqsınız. Səyahətə çıxa bilərsiniz, ya da şəhərdən kənarda gözəl vaxt keçirmək şansınız olacaq. Həftəsonu sizdən borc istəyəcəklər, versəniz, o pulu “sürünə-sürünə” geri alacaqsınız. Uğurlu günləriniz 20, 23 dekabr, uğursuz gününüz isə 21 dekabrdır.
DOLÇA bürcü
Bu həftə iş yoldaşlarınızla bəzi gərginliklər yarana bilər: ofisdəki söz-söhbətlərdən uzaq durun, başınızı əngələ sala bilərlər. Həftənin əvvəlində işlə bağlı anlaşma imzalamaqdan çəkinin. Bu aralar uzaq məsafəli bir səfər üçün təcili çamadanınızı toplamalısınız. Səhhətinizdə bel, böyrək, sümüklərlə bağlı bəzi həssaslıqlar meydana gələ bilər. Uğurlu günləriniz 20, 21 dekabr, uğursuz gününüz isə 25 dekabrdır.
BALIQLAR bürcü
Bu həftə romantika ön planlarınızda olacaq: yalnızsızsa, yeni sevgi axtarırsınızsa, bu həftə tam sizin üçündür. İş yoldaşlarınız işdən sonra harasa dəvət etsələr, mütləq qəbul edin: münasibətlərinizi daha da möhkəmləndirəcəksiniz. Maddi vəziyyətiniz düzəlməyə doğru gedəcək, qazancınız təxminən ikiqat artacaq. Karyeranızla bağlı dəyişikliklər etmək istəyirsinizsə, özünüzə əmin olun. Yaxın zamanda sizi uğur və yüksəliş gözləyə bilər. Uğurlu günləriniz 24, 25 dekabr, uğursuz gününüz isə 23 dekabrdır.
