QOÇ bürcü
Bu həftə liderlik xüsusiyyətləri olan bu bürcün nümayəndələri kütlənin başına keçərək, onları uğura doğru aparacaqlar. İş axtaranlar da istədikləri peşə ilə məşğul olacaqlar. Ağlınız, kamalınız hamını heyran edəcək və bu, sizə karyera yüksəlişində kömək edəcək. Özünüzü heç kimə oxşatmayın, unutmayın ki, siz unikalsınız və buna görə sevilirsiniz. Maddi durumunuz az da olsa, yaxşılaşacaq, necə deyərlər, “dama-dama göl olar”. Uğurlu günləriniz 29, 31 iyul, uğursuz gününüz 30 iyuldur.
BUĞA bürcü
Buğanın bu həftə əl atacağı hər iş uğurla sonlanacaq. Qərarsızlıq, özünə inamsızlıq, şübhə və tərəddüd səbəbindən perspektivli imkanları və ya şansları itirə bilərsiniz. Dostunuzdan və ya sevgilinizdən sürpriz gözləyin: bu, hətta evlilik təklifi ola bilər. Ümumiyyətlə, bu ərəfələrdə bütün sürprizlərə açıq olmalısınız; baş verəcək hadisələrdən bəziləri həyatınızı 180 dərəcə dəyişə bilər. Bəzən çox soyuq olursunuz, nəticədə insanlar sizdən uzaqlaşır. Odur ki, sizi sevən, dəyər verən insanlara daha çox vaxt ayırmağa çalışın. Uğurlu günləriniz 31 iyul, 2 avqust, uğursuz gününüz 4 avqustdur.
ƏKİZLƏR bürcü
Bu həftə ulduzlar Əkizlər bürcünə, xüsusilə də ailəlilərə xoşbəxtlik hədiyyə edəcək. Bu, həm maddi yüksəliş, həm də övlad müjdəsi ola bilər. Həftəiçi böyük planların gerçəkləşəcəyi gözlənilir: bu, sizin həyatınızı 180 dərəcə dəyişəcək. İş yoldaşlarınızla aranızda anlaşılmazlıq baş verə bilər, hətta buna görə sizə tələ qurub işdən çıxara da bilərlər. Ümumiyyətlə, bu günlərdə heç kimlə konfliktə girməyin, nifrət etdiyiniz insanın belə üzünə gülün. Uğurlu günləriniz 1, 2 avqust, uğursuz gününüz 3 avqustdur.
XƏRÇƏNG bürcü
Xərçənglər bu həftə dəyişkən əhvali-ruhiyyədə olacaqlar. Səhər güc və ilhamla dolu olacaqsınız, amma axşam enerjiniz tükənəcək, yatmaqdan başqa heç nə istəməyəcəksiniz. Kefiniz yoxdursa, vacib məsələləri bir kənara qoyun, ağır işlərdən uzaq dayanın və yuxunuza diqqət yetirin, əks-halda depressiyaya düşə bilərsiniz. Bu həftə çalışın vacib olan işləri təxirə salın. Həftənin sonunda həyatınız normaya düşəcək və ulduzlar, sınaqdan uğurla keçdiyiniz üçün sizə mühüm bir hədiyyə verəcək. Uğurlu günləriniz 3, 4 avqust, uğursuz gününüz 30 iyuldur.
ŞİR bürcü
Bu dövrdə daha çox vaxtınızı evdə, ailə üzvlərinizin yanında keçirin, sizi uzun müddət narahat edən mühüm məsələləri onlarla müzakirə edin. Həyatınızın müəllifi olun, taleyin necə davam edəcəyini siz müəyyən edin. Həyat fəaliyyətinizi işə salan kimi həyatınız yeni rənglərlə boyanacaq. Həftənin ortasında cibiniz pulla dolu olacaq, lakin həftəsonu sizi böyük xərclər gözləyir, amma bu xərcləri gələcəkdə daha çox pul qazanmağınıza yönləndirin. Sevgilinizlə səyahətə getmək fikrini də nəzərdən keçirin. Uğurlu günləriniz 1, 3 avqust, uğursuz gününüz 31 iyuldur.
QIZ bürcü
Subay Qızların subaylıq daşını atmaq üçün əla fürsəti olacaq. Bu həftə quracağınız tanışlıqlar gələcəkdə ciddi münasibətə çevriləcək. Səbirsiz olduğunuz üçün həyatda çox şey əldə edə bilmirsiniz; buraxın həyat öz axını ilə getsin, unutmayın ki, tələsən təndirə düşər. Çərşənbə və cümə axşamı yeni iş axtarmaq və müqavilələr bağlamaq üçün əlverişli günlərdir. Həftəsonu dostlarla səmimi söhbətlər edin, sizi narahat edən məsələləri birgə müzakirə edin: onlar öz köməklərini əsirgəməyəcəklər. Uğurlu günləriniz 31 iyul, 2 avqust, uğursuz gününüz 1 avqustdur.
TƏRƏZİ bürcü
Bu həftə sizin üçün müsbət hadisələrlə dolu olacaq. Əsas da işsiz insanlar üçün əlverişli həftə gözlənilir; istədiyiniz işə qəbul olmaq istəyirsinizsə, sadəcə, özünüzə güvənin, müsahibədə rahat olun və biliklərinizi göstərin. İşi olanlar isə əksinə, bu həftə rahatlaşmayın, münaqişələrdən uzaq olun və daha da yaxşı çalışın. Əks-halda yeni iş axtarmalı olacaqsınız. Tanımadığınız insanlarla çox da səmimi olmayın, şəxsi həyatınız haqda artıq məlumat verməyin, gələcəkdə bu məlumatlardan sizə qarşı istifadə edə bilərlər. Uğurlu günləriniz 2, 4 avqust, uğursuz gününüz 29 iyuldur.
ƏQRƏB bürcü
Bu həftə gələcək planlarınızı heç kimə deməyin: bu, mənfi nəticələrə səbəb ola bilər. Bu ərəfələrdə siz külli miqdarda pul əldə edə bilərsiniz, amma hər şeyi bir anda xərcləməyin, hər bir alış-verişdən əvvəl yaxşı düşünün, bədxərc olmayın. Bu həftə siz uzaq səfərlərdən çəkinməlisiniz, lakin şəhər ətrafında istirahət etmək sizin üçün çox faydalı olacaq. Həftəsonu paxıl insanlar ətrafınıza doluşacaq, sizə yaxınlıq etməyə çalışacaq, dedi-qodu edəcəklər. Lakin kimin dost, kimin düşmən olduğunu yaxın gələcəkdə öyrənəcəksiniz. Uğurlu günləriniz 1, 4 avqust, uğursuz gününüz 29 iyuldur.
OXATAN bürcü
Evdə oturub: “İş yoxdur, pulum yoxdur”, - deyincə özünüzə sual verin: “İstədiyim işi əldə etmək üçün mən nə etdim?” və bir şeyi unutmayın ki, insan hərəkət etdikcə, Allah onun ruzusunu verər. İş yerində Oxatanları yüksəliş və ya pul mükafatı gözləyir: müdiriyyət sizdən çox razı qalacaq. Bürcün tənha nümayəndələri bu həftə öz yarını tapa bilərlər, əgər fərasətli olsalar. Hər hansı bir maliyyə əməliyyatından imtina edin: böyük itkilər verə və ya vicdansız həmkarlar tərəfindən aldadıla bilərsiniz. Uğurlu günləriniz 2, 3 avqust, uğursuz gününüz 30 iyuldur.
OĞLAQ bürcü
Oğlaqlarda son vaxtlar özünəgüvən azalıb: amma əslində siz daha güclüsünüz və bu həftə bunu hər kəsə sübut edəcəksiniz. Uğurlu layihələrinizlə, gördüyünüz işlərinizlə həmkarları və rəhbərliyi mat qoyacaqsınız. Lakin işlərin çoxluğuna baxmayaraq, ailənizə də vaxt ayırmağa çalışın; onların sizin diqqətinizə, qayğınıza ehtiyacı var. Gözləmədiyiniz yerdən sizə uğurlu iş təklifi gələcək; bu fürsəti əsla əldən buraxmayın, yoxsa sonra “Əli aşından da olarsınız, Vəli aşından da”. Uğurlu günləriniz 31 iyul, 1 avqust, uğursuz gününüz 3 avqustdur.
DOLÇA bürcü
Bu həftə yeni dövr başlayacaq: müdiriyyət tərəfindən fərqləndiriləcəksiniz, karyera yüksəlişi ilə paxılların ürəyini partladacaqsınız. Çoxdandır bəyəndiyiniz biri varsa, onu əldən buraxmayın, yoxsa sevgi qatarı gedər və bir də qayıtmaz. Qalmaqalın düz mərkəzində ola bilərsiniz, bu şəraiti isə paxıllar yaradacaqlar. Amma siz onlardan üstünsünüz, sadəcə gülümsəyin və həyatınıza davam edin. Həftəsonu istirahət üçün gözəl vaxtdır, planlarınızı təxirə salmayın, əylənmənin dadını mütləq çıxarın. Uğurlu günləriniz 1, 4 avqust, uğursuz gününüz 3 avqustdur.
BALIQLAR bürcü
Bu həftə maraqlı və sürprizlərlə dolu günlər gözlənilir. Ən böyük sürpriz isə sevgi cəbhəsində baş verəcək: sizi xoşbəxt edəcək biri gözlənilmədən həyatınıza daxil olacaq və sizə ömürlük yoldaş olacaq. Qarşınıza Oğlaq, Buğa və ya Dolça çıxıbsa, düşünmədən həmin şəxslə münasibətə başlayın, çünki ən ideal cütlük siz olacaqsınız. Həftəsonu çoxdan görmədiyiniz bir insanla qarşılaşacaqsınız: bu görüş həyatınızı 180 dərəcə dəyişəcək. Uğurlu günləriniz 2, 3 avqust, uğursuz gününüz 31 iyuldur.
