QOÇ bürcü
Bu həftə çamadanınızı yığın - səyahət vaxtıdır! Həftəiçi xaricdə istirahət etmək təklifi ala və ya ekzotik ölkəyə səfər etmək üçün bilet uda bilərsiniz. Dostunuz başınıza bəla olacaq: ona görə davaya gedəcəksiniz, lakin oradan qalib kimi çıxacaqsınız. Sevgi cəbhəsində yeniliklər baş verəcək: dost bildiyiniz birinə diqqət yetirməyə başlayacaqsınız, onunla münasibətə başlamaq fikrinə gələcəksiniz. Maddi durumunuz yaxşılaşa bilər. Uğurlu günləriniz 8, 10 fevral, uğursuz gününüz isə 6 fevraldır.
BUĞA bürcü
Bu həftə bir nəfərin xətrinə dəyəcəksiniz: sevgi, nifrət, kin sizi rahat yaşamağa qoymayacaq. Burada siz səhv olacaqsınız, lakin qürurunuz səhvinizi etiraf etməyə imkan verməyəcək. Çalışın, eşqi qəlbinizdə öldürməyin, bu sevgini nifrətə döndərməyin. İşinizdə böyük dəyişikliklər olacaq: çoxdandır məqsəd qoyduğunuz vəzifəyə doğru irəliləyəcəksiniz. Həftəsonu maddi durumunuza fikir verin: boş-boş xərclər sizin cibinizi boşaldacaq. Uğurlu günləriniz 11, 12 fevral, uğursuz gününüz isə 8 fevraldır.
ƏKİZLƏR bürcü
“Əminlik” bu həftə sizin oyununuzun adıdır: sizin qarşınıza böyük şans çıxacaq, həyatınızı dəyişdirmək üçün fürsətlər olacaq. Hər şeyin istədiyiniz kimi olması üçün əminliklə hərəkət etməlisiniz. Sevgi cəbhəsində özünüzə güvənməlisiniz: xoşunuza gələn biri varsa, mütləq ona ürəyinizi açın. Ola bilməz ki, sizin kimi insana “yox” cavabını versinlər. Həftəsonu subaylar can yoldaşı ola biləcək bir insanla tanış olmaq şansı qazanacaqlar. Uğurlu günləriniz 6, 12 fevral, uğursuz gününüz isə 7 fevraldır.
XƏRÇƏNG bürcü
Münasibətlərdə bir şey sizin xeyrinizə deyilsə, gələn həftə bu barədə açıq danışmaq üçün əla vaxt olacaq: birlikdə düzgün həll yolunu tapa bilərsiniz. Bu həftə yeni tanışlıqlara ehtiyatla yanaşın: bəzi insanlar mələk kimi görünsələr də, daxildə şeytan ola bilərlər. İş yerində elə bir vəziyyətlə üzləşəcəksiniz ki, həmkarlarınızın birindən kömək istəməli olacaqsınız: bundan utanmayın, insan hər şeyi tam olaraq bilə bilməz. Uğurlu günləriniz 7, 11 fevral, uğursuz gününüz isə 6 fevraldır.
ŞİR bürcü
Subay Şir bu həftə can yoldaşına çevriləcək bir insanla tanış ola biləcək, artıq münasibətdə olanlar isə sevdiklərinin əhatəsində xoşbəxt olacaqlar. İşdə mühüm məsələlərin həlli üçün çərşənbə uyğun gün olacaq: maksimum fayda əldə etmək üçün bu günü qaçırmamağa çalışın. Xaricə səyahət və ya xaricdə iş birliyi qurmaq üçün təklif gözləyin. Uğurlu günləriniz 6, 8 fevral, uğursuz gününüz isə 12 fevraldır.
QIZ bürcü
Qızlar bu həftə daha diqqətli olmalıdırlar, çünki Marsın təsiri altında səhv qərarlar verə bilərlər, bunun da çox mənfi nəticələri olacaq. İşinizdə problemlər yarana bilər: ola bilsin, sizə verilən tapşırığı vaxtında yerinə yetirməyəsiniz. Bunun qarşısını almaq üçün çox diqqətli olmalısınız və vaxtınızı düzgün bölüşdürüb səmərəli istifadə etməlisiniz. Uğurlu günləriniz 9, 11 fevral, uğursuz gününüz isə 7 fevraldır.
TƏRƏZİ bürcü
Bu həftə yaxşı dostlarınızın qədrini biləcəksiniz: kiçik sıxıntılar ola bilər, lakin qorxmayın, dostlarınız sizin köməyinizə yetişəcəklər. Kredit öhdəlikləri olanlara şad xəbər: həftəsonu əlinizə böyük məbləğdə pul gələcək və bununla da borcunuzun bir qismini bağlaya biləcəksiniz. Tərəzi əks cinslə tanış olacaq, lakin başı bəlalı bu bürc yalanla üzləşəcək: Şir, Qız və Balıq bürclərinin nümayəndələri ilə tanış olduqda diqqətli olun. Uğurlu günləriniz 6, 7 fevral, uğursuz gününüz isə 11 fevraldır.
ƏQRƏB bürcü
Əqrəbin həm şəxsi həyat məsələlərində, həm də dostlar və ailə ilə münasibətlərdə çoxlu problemləri ola bilər: diqqətli olmağa və səhv etməməyə çalışın. Əgər sizin hansısa planınız və ya ideyanız varsa, çalışın, heç kimə danışmayın: “oğurluq” riski çox böyükdür. Maddi durumunuzda artım ola bilər. Evdə qalmış subaylar, bu həftə də sevgi qatarı sizdən yan keçəcək. Amma narahat olmayın, bu yaxında bəxtiniz açılacaq. Uğurlu günləriniz 8, 10 fevral, uğursuz gününüz isə 9 fevraldır.
OXATAN bürcü
Daxildə topladığınız bir çox suallara cavab tapmaq vaxtıdır. Həm də xarici "təsadüfi" əlamətlərə daha diqqətli olun: intuisiyanız sizə doğru yol göstərəcək. Həftəiçi sanki bir hind filminə düşəcəksiniz: qısqanclıq, xəyanət, sevgi, dava və sonda xoşbəxtlik qazanacaqsınız. Həftəsonu sultan həyatı yaşamağa hazır olun, çünki işlərinizdə bəxtiniz gətirəcək. Uğurlu günləriniz 11, 12 fevral, uğursuz gününüz isə 6 fevraldır.
OĞLAQ bürcü
“Ürək bir eşqə qərar versə, bir dəfə sevər hər adam”: yanınızda olan, sizi sevən birinə şans verin, onu “frendzona”dan çıxarın. Düzgün seçim etməsəniz, eşqə sürgün olacaqsınız: ürəyinizə qulaq asın, o, sizə nə etmək lazım olacağını deyəcək. Sizi ulduzlar sevir və ona görə bu həftə hər bir işiniz uğurla tamamlanacaq. Həftəsonu faydalı tanışlıqlar olacaq. Uğurlu günləriniz 7, 12 fevraldır, uğursuz gününüz gözlənilmir.
DOLÇA bürcü
Dolçalar hər bir şeyi ürəyinə salırlar, bu səbəbdən də tez-tez depressiyaya düşürlər. Bu həftə hər şeyi boş verin: heç kimə qulaq asmayın, ürəyiniz nə deyirsə, onu edin. Bundan sizə ancaq xeyir gələcək. Sizə yeni layihələr təklif olunacaq: özünüzə inanın və tapşırıqları yerinə yetirin, çünki sonda böyük cekpot qoparacaqsınız. Həftəsonu evlilik təklifi və ya sevgi etirafı gözləyin. Uğurlu günləriniz 6, 11 fevral, uğursuz gününüz isə 8 fevraldır.
BALIQLAR bürcü
Bu həfdə padişahlar, şahlar, sultanlar sizə paxıllıq edəcəklər: əlinizə elə bir şans düşəcək ki, hamı sizdən danışacaq. Varlı olmaq şansını qaçırmayın: həftəsonu sərfəli təklif ala bilərsiniz, bundan maksimum yararlanın. Subayların üzü güləcək: qarşınıza göygöz, sarışın bir mələk çıxacaq. Onunla münasibət qurub xoşbəxt anlar yaşayacaqsınız. Uğurlu günləriniz 7, 12 fevral, uğursuz gününüz isə 9 fevraldır.
