Nazirlik həkimlərə sertifikat verməyib. Bu haqda bu gün, 8 yanvar tarixində Bakuplus.az Xəzər Xəbər-ə istinadən məlumat verir.
Belə ki, 150-yə yaxın həkim Səhiyyə Nazirliyinin imtahanlarını uğurla başa vursa da, işə qəbul ola bilmir. Buna səbəb Səhiyyə Nazirliyi tərəfindən sertifikat verilməməsidir.
“Tovuz Mərkəzi Klinikasına göstəriş aldım. Ancaq portala şəhadətnaməmiz düşməyib deyə məni işləməyə qoymurlar”, – deyə şikayətçilər bildirirlər.
Onların sözlərinə görə, tibb müəssisələrində vakansiyalar var, amma sertifikat olmadığından həkimlər işə başlaya bilmirlər.
Səhiyyə Nazirliyindən məsələ ilə bağlı bildirilib ki, nazirlik xaricdə təhsil alan şəxslərə göstəriş verib və onlar işə qəbul olunublar. Ancaq tibb müəssisələri işçilərə əlavə bonus vermək üçün əlavə sənəd istəyiblər. Həmin sənədlər yaxın günlərdə hazır olacaq.
