Paytaxtın Suraxanı rayonu, Günəşli qəsəbəsində yerləşən 2 nömrəli uşaq evində körpələrə qarşı zor tədbiq olunduğu iddia edilir. Bununla bağlı sosial şəbəkələrdə səs yazısı yayılıb. Bu haqda bu gün, 14 yanvar tarixində Bakuplus.az İctimai TV-yə istinadən məlumat verir.
Kobud və təhqiredici ifadələrin yer aldığı bu səs yazısının 2 saylı Uşaq Evinin direktoruna aid olduğu iddia olunur. Səsi yayan şəxs bildirir ki, 18 yaşına kimi həmin Uşaq Evində qalıb, orada qanunsuzluğu lentə alıb ictimailəşdirdikdən sonra rəhbərlik tərəfindən təzyiqə məruz qalıb. Həmin təzyiqlər səbəbindən hazırda anası ilə birlikdə yaşayır.
Məsələ ilə bağlı uşaq evinin direktoru Sevda Hacıyeva bildirib ki, səs yazısının ona heç bir aidiyyəti yoxdur:
"O videonu yayan Mirəli Quliyevdir. Hazırda 19 yaşı var. Buna baxmayaraq, o, hələ də uşaq evində yaşayır. Onlar Zəngilan rayonundan məcburi köçkün olan iki qardaşdırlar. Bu səbəbdən də dövlət analarına 2 otaqlı mənzil verib. Lakin bu uşaq özünə məndən ev tələb edir".
Gəncin anasının sözlərinə görə, oğluna mənzil vermək istəməyən direktor təzyiq göstərərək onu hədələyir. O, həmçinin qeyd edib ki, məcburi köçkün olduqları üçün onlara müvəqqəti mənzil verilib, lakin ailə öz mənzilinə sahib olmaq istəyir.
Əmək və Əhalinin Sosial Müdafiəsi Nazirliyi də şikayətçinin 3 nəfər ailə tərkibi ilə 2 otaqlı mənzillə təmin olunması faktını təsdiqlədi. Bu səbəbdən vətəndaşın uşaqlar üçün sosial xidmət və təhsil müəssisələrinin valideynlərini itirmiş və valideyn himayəsindən məhrum olmuş məzunun mənzillə təmin olunması qanunvericiliyə uyğun deyil.
[video width="1920" height="1080" mp4="https://bakuplus.az/storage/photos/2023/01/3.mp4"][/video]
