Bakıda 2 yaşlı körpəni oğurlamaqda təqsirli bilinən Gültəkin Muradovaya hökm oxunub. Bu haqda məlumatı Bakuplus bu gün, 13 yanvar tarixində Report.az-a istinadən verir.
Bakı Ağır Cinayətlər Məhkəməsinin hakimi Əhməd Quliyevin sədrliyi ilə keçirilən prosesdə qadına hökm oxunub və o, 2 il müddətinə azadlıqdan məhrum edilib.
Qeyd edək ki, hadisə 2021-ci ilin dekabr ayında Sabunçu qəsəbəsində qeydə alınmışdır.
Beyləqan rayon sakini G.Muradova 2 yaşlı Məhəmməd Elgün oğlu Şıxəliyevi oğurlayıb.
2022-ci il yanvarın 8-də Sabunçu Rayon Polis İdarəsi və 12-ci Polis Şöbəsinin əməkdaşları tərəfindən həyata keçirilən intensiv əməliyyat-axtarış tədbiri nəticəsində M.Şıxəliyev tapılıb və G.Muradova həbs edilib.
Onun barəsində Cinayət Məcəlləsinin 144-cü (adam oğurluğu) maddəsi ilə ittiham elan olunub.
