Nəsimi rayonunda 3 mikrorayon dairəsindən “Xutor dairəsi” əraziyədək yenidənqurma işləri aparılır. Bu barədə 13 oktyabr tarixində Azərbaycan Avtomobil Yolları Dövlət Agentliyi məlumat verib.
Alı Mustafayev küçəsində 800 metr uzunluğunda olan iki hərəkət zolaqlı yol təmir olunur. Həmçinin piyada səkiləri bərpa olunur, yeni səki daşları düzülür, küçə boyu köhnə örtük yeni asfalt-beton örtüyü ilə əvəz olunur. Yol boyunca yağış-kanalizasiya sistemi bərpa olunaraq işlək vəziyyətə gətirilir, yeni yağış barmaqlıqları və yeraltı kommunikasiya xətlərinə baxış qapaqları qoyulur.
Layihəyə əsasən təmirin sonunda yol nişanları quraşdırılaraq, yol-cizgi və yolgöstərici xətlər, həmçinin piyada zolaqları çəkiləcək.
Qeyd edək ki, 2019-2020-ci illər ərzində Nəsimi rayonu ərazisində ümumi uzunluğu 10 km-dən çox olan küçə təmir edilib.
[caption id="attachment_9324" align="alignnone" width="696"]
Foto AAYDA-nın rəsmi saytı[/caption]
[caption id="attachment_9323" align="alignnone" width="696"]
Foto AAYDA-nın rəsmi saytı[/caption]
[caption id="attachment_9321" align="alignnone" width="696"]
Foto AAYDA-nın rəsmi saytı[/caption]
