Azərbaycan Dövlət Su Ehtiyatları Agentliyinin əməkdaşları paytaxtın 32 ünvanında su xətlərini yeniləyirlər. Bu haqda bu gün, 3 iyul tarixində Bakuplus.az agentliyə istinadən məlumat verir.
İşlər noyabrda baş tutacaq COP29-un keçirilməsi ilə əlaqədar aparılır.
Paytaxtın 18 küçə və prospektində qəzalı vəziyyətdə olan mövcud su və kanalizasiya sistemləri dəyişdirilir. 8 Noyabr prospektində uzun illər istismar olunaraq qəzalı vəziyyətə düşmüş su və kanalizasiya xətləri dəyişdirilir.
8 Noyabr prospektindən keçən kanalizasiya kollektorunun da qəzalı hissəsi dəyişdirilib. Bu məqsədlə Zığ nasos stansiyasından “Nargilə” dairəsinə qədər 1200 mm diametrli borularla 700 metr uzunluğunda yeni kollektor inşa edilib.
