Bakının Xəzər rayonunun Şağan qəsəbəsində səki avtomobil dayanacağına çevrilir. Müvafiq görüntülər sosial şəbəkələrdə yayılıb. Bu haqda bu gün, 31 oktyabr tarixində Bakuplus.az “Transport for Baku” Facebook səhifəsinə istinadən məlumat verir.
Sakinlər bildirirlər ki, qeyd olunan yerdə yeni bina tikilib, onun qarşısındakı səki sökülüb ki, avtomobillər üçün parkinq yerləri yaradılsın.
Dövlət Şəhərsalma və Arxitektura Komitəsindən bildirilib ki, Bakı Şəhər Memarlıq və Şəhərsalma Baş İdarəsinin əməkdaşları tərəfindən monitorinqlər aparılaraq qeyri-yaşayış obyektinin tikintisi zamanı piyada səkisinin dağıdılması faktı aşkar edilib. Nəticədə baş idarə tərəfindən aparılan işlər dayandırılmış və səkinin bərpa olunması üçün müvafiq xəbərdarlıq edilmişdir.
Analoji hadisə ötən həftə Nizami rayonu, Şərq küçəsində də müşahidə olunub. Sözügedən ərazidə piyada səkisini sökərək yerində avtomobil dayanacağı yaratmaq istəyiblər. Aparılan işlər dayandırılıb və səkinin bərpa edilməsi üçün müvafiq xəbərdarlıq edilib.
[caption id="attachment_118225" align="alignnone" width="640"]
Foto Transport for Baku Facebook səhifəsi[/caption]
