Azərbaycan Dillər Universitetinin məzunu ABŞ-də təhsil hüququ əldə edib. Bu haqda bu gün, 11 mart tarixində Bakuplus.az Azərbaycan Universitetlərinə istinadən xəbər verir.
Aysun Məmmədli ABŞ-nin Harvard Ali Təhsil Məktəbinin Təhsildə liderlik, idarəetmə və sahibkarlıq ixtisası üzrə magistr proqramına qəbul olunub. O, Azərbaycan Dillər Universitetinin fəxri məzunudur.
2019-cu ildə Məmmədli 614 bal toplayaraq ADU-nun İngilis dili müəllimliyi ixtisasına daxil olub. Yüksək balla müəllimlik ixtisasını seçdiyinə görə “Gələcəyin müəllimi” təqaüdünə layiq görülüb.
İkinci kursdan etibarən “part-time” meneceri, ingilis dili müəllimi və Təhsildə Keyfiyyətin Təminatı Agentliyində təcrübəçi kimi işləyib. Aysun bu günədək 6 beynəlxalq layihədən qəbul alıb.
O, bir sıra beynəlxalq sertifikatlara (TOT, TESOL (ASU), Leaders of Learning (HGSE)) malikdir. Aysun Məmmədli, həmçinin “DAUF Planner” ilkin planlayıcısının yaradıcısı, 1 elmi məqalənin və 1 tədqiqat işinin müəllifidir.
