Bakı Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Zabil Məcidov və Saqif Hətəmovun cinayət işi üzrə məhkəmə iclası başa çatıb.
Hakim Hafiz Kamranovun sədrliyi ilə keçirilən prosesdə hökm oxunub.
İttihama görə, hadisə 2025-ci il tarixdə saat 19:00 radələrində Suraxanı rayonu, Bülbülə qəsəbəsində yerləşən "Bülbülə gölü" adlanan ərazidə baş verib.
Hadisədən əvvəl istintaqa dəqiq məlum olmayan tarixdə Zabilin 8-ci sinif şagirdi olan qohumu 2009-cu il təvəllüdlü Tahir Yusifov tərəfindən "TikTok" sosial şəbəkəsində nalayiq ifadə ilə təhqir olunub.
Bundan sonra Zabil zərərçəkmiş şəxsə irad tutaraq ondan yazdığı nalayiq ifadəyə görə üzr istəməsini tələb edib. Bu məsələ tərəflər arasında mübahisəyə səbəb olub.
Zabil Tahirin çənə nahiyəsinə yumruqla bir zərbə vurub, daha sonra onun ayaqlarından tutaraq güləş fəndi işlətməklə yerə yıxıb. Ardınca Saqif zərərçəkmiş şəxsin baş nahiyəsinə təpiklə zərbə vurub. Hadisə nəticəsində Tahirə müxtəlif xarakterli xəsarətlər yetirilib.
Məhkəmənin hökmü ilə onların hər birinə şərti cəza verilib.
Qeyd edək ki, ad və soyadlar şərti verilib.
Mənbə: pravda. az
