Bakının müxtəlif rayonlarının ərazilərindən keçən Heydər Əliyev prospekti, xüsusən də onun Aeroport yolu adlanan hissəsi piyadaların həyatı üçün təhlükə saçır. Bu haqda bu gün, 5 yanvar tarixində Bakuplus.az məlumat verir.
Təqdim olunan videokadrlar piyadaların çoxzolaqlı magistral yolu keçdikləri anı əks etdirir. Hər gün minlərlə, on minlərlə belə hallar olur. Yoldan keçən bu insanların hamısı həm öz həyatlarını, həm də sürücülərin həyatını riskə atırlar.
Lentə alınan ərazi “Binə Atçılıq mərkəzinin” yaxınlığında olan bir yerdir. Ən yaxın keçid 1 kilometr məsafədə, Mərdakan istiqamətində, digəri isə 1,7 km aralıqda, Milli Aviasiya Akademiyasının yaxınlığında yerləşir. Yəni yolun 2,7 km-lik hissəsində piyadalar üçün heç bir şərait mövcud deyil.
Statistik məlumata əsasən, Bakıda 2022-ci ildə 10 ay ərzində ümumi avtomobil qəzalarının 63,9%-i, yəni 239-u piyadaların iştirakı ilə olub. Keçən ilin ilk 10 ayı ərzində qeydə alınan qəzalar nəticəsində 110 nəfər dünyasını dəyişib, 147 nəfər isə yaralanıb.
[video width="640" height="352" mp4="https://bakuplus.az/storage/photos/2023/01/baku-video1.mp4"][/video]
