Sabunçu rayonunda yerləşən Albalılıq-1 yaşayış massivində sakinlər avtobus dayanacağının olmasına baxmayaraq, avtobusların ərazidən keçməməsindən narazıdırlar. Bu barədə Xəzər Xəbər reportaj paylaşıb.
Sakinlərin sözlərinə görə, bu səbəbdən onlar çətinliklər yaşayırlar - işə getmək və ya uşaqlarını məktəbə göndərmək üçün kilometrlərlə piyada getməli və taksiyə əlavə pul ödəməli olurlar.
Sakinlər aidiyyatı strukturlardan problemlərini həll etmələrini və Albalılıq-1 yaşayış massivindən keçən avtobus marşrutunu bərpa etmələrini xahiş edirlər.
Bakı Nəqliyyat Agentliyinin (BNA) mətbuat rəhbəri Mais Ağayev bildirib ki, BNA sakinlərin müraciətini nəzərə alaraq, qurumun mütəxəssisləri tərəfindən ərazidə keçiriləcək sorğu nəticələri əsasında ictimai nəqliyyatla bağlı müəyyən qərarlar veriləcək.
