Xəzər rayonu, Albalılıq qəsəbəsində palçıqlı yollar çətinliklər yaradır. Bu haqda bu gün, 22 dekabr tarixində Bakuplus.az ARB-yə istinadən xəbər verir.
Sakinlər bildirirlər ki, hər gün uşaqlar palçığın içi ilə başqa qəsəbəyə məktəbə getməli olurlar. Buna səbəb ərazidə məktəbin belə olmamasıdır.
“Maştağa qəsəbəsinə məktəbə gedirik. Piyada gedə bilmirik, məktəb 4-5 kilometr aralıdadır”, – deyə şagirdlər bildirirlər.
Sakinlərin sözlərinə görə, yolların belə olması onların cibinə böyük ziyan vurur. Rəsmi qurumlar isə məsələyə baxmır.
“Uşağın birinə 30-35 AZN verirlər ki, maşın gəlib aparsın. 1 evdən 3 uşağı məktəbə gedən ailələr var. O da sürücyə 100-110 AZN verməlidir. Bakıdır bura, ucqar kənd deyil”, – deyə sakinlər şikayət edirlər.
Nə Xəzər RİH, nə də bələdiyyə məsələ ilə bağlı açıqlama verməkdən imtina edib.
