İnternetdə “Ali&Nino” kitab mağazaları ətrafında müzakirələr alovlanıb. Belə ki, mağazaların sosial şəbəkədəki hesabında paylaşılan foto internet istifadəçiləri tərəfindən birmənalı qarşılanmayıb.
Əlində Baninin “Paris günləri” kitabını başıaşağı tutan Natella Kərimova sosial şəbəkə istifadəçiləri tərəfindən tənqid edilib.
Yoxsa bəlkə bunun içində gizli bir məna var?
1929-cu ildə Sovet dövlətinin ədəbi sifarişlərini tez-tez yerinə yetirən Maksim Qorki məhbuslara qarşı qəddarlığı, qeyri-insani həyat və iş şəraiti ilə tanınan Solovki həbs düşərgəsinə gəlir. Yazıçının əsas missiyası Stalinin əmək düşərgələrindəki qəddarlıqlarını təkzib edən məqalə yazmaq idi.
Koloniya ilə tanışlıq zamanı o, kameralardan birinə girdi, orada məhkumlara əvvəlcədən oxumalı olduqları qəzetlər verildi. Amma yazıçıya işarə etmək üçün məhbuslar qəzetləri tərsinə tuturdular. Məhkumlar ümid edirdilər ki, məşhur yazıçı onları xilas edə bilər.
Deyirlər ki, Qorki gördüklərindən göz yaşları içində düşərgəni tərk edib. Amma bu, onu həbs düşərgələrində baş verənlərə haqq qazandıran yalançı məqalə yazmağa mane olmadı.
Bəs sizcə, bu, mağazalar şəbəkəsinin PR-rıdır yoxsa Natella xanımın köməyə ehtiyacı var?
[caption id="attachment_82391" align="alignnone" width="640"]
Foto Bizimmedia.az saytı[/caption]
