Bakıda ana və 4 övladı sığınacağa yerləşdiriliblər. Bu haqda bu gün, 31 yanvar tarixində Bakuplus.az “Təmiz Dünya” Qadınlara Yardım İctimai Birliyinə istinadən xəbər verir.
Birliyin səhdri Mehriban Zeynalovanın sözlərinə görə, Saatlıdan gələn ananın sosial durumu çətin olduğundan övladları ilə birgə sığınacağa müraciət edib:
“Qadının sözlərinə görə, qayınana evində yaşayıblar. Ana və 4 qız uşağını (6 aylıq, 9 yaş, 10 yaş, 11 yaş) müvəqqəti olaraq sığınacağımıza yerləşdirdik. Bildiyim qədər, həyat yoldaşına İmişli rayonunda iş yeri deyilib”, – deyə paylaşımda qeyd olunub.
Həmçinin M.Zeynalova sığınacaqda yer qıtlığı yaşandığını vurğulayıb.
