Anasının hazırladığı yeməyi yemək istəməyən uşaq “Azərbaycan Uşaq Qaynar Xətti”nə zəng edib. Bunu Ümidli Gələcək Sosial Təşəbbüslər İctimai Birliyinin icraçı direktoru Kəmalə Aşumova 20 noyabr – Ümumdünya Uşaq Hüquqları Gününə həsr edilmiş “Uşaq hüquqları tribunası” konfransında deyib. Bu haqda bu gün, 17 noyabr tarixində Bakuplus.az Report-a istinadən məlumat verib.
Onun sözlərinə görə, qaynar xəttə ağır zorakılıq halları ilə bağlı zənglərlə yanaşı, azyaşlı uşaqlardan da maraqlı zənglər daxil olur.
"Hətta riyaziyyat məsələsinin həlli üçün xidmətdən kömək istəyən uşaq da olub. Eyni zamanda 4, 5 və 6 yaşlı uşaqlar belə müraciət edirlər. Elə də olub ki, uşaq anasından şikayətlənib: anası yemək hazırlayıb, amma uşaq yemək istəməyib”, – deyə Aşumova bildirib.
