1 ailənin 4 azyaşlı üzvü sığınacağa yerləşdirilib. Bu haqda bu gün, 29 yanvar tarixində Bakuplus.az Uşaq Sığınacağı Reinteqrasiya Mərkəzinə istinadən xəbər verir.
Bildirilib ki, uşaqların anası ağır mədə xərçəngindən əziyyət çəkir. O, köməksiz vəziyyətdə evdə müalicəsiz qalır. Uşaqların isə heç birinin qeydiyyatı yoxdur və azyaşlılar təhsildən yayınırlar.
İctimai Birliyin müraciəti əsasında Səhiyyə Nazirliyi, Tibbi Ərazi Bölmələrinin İdarəetmə Birliyi, İcbari Tibbi Sığorta üzrə Dövlət Agentliyinin göstərişi və dəstəyi ilə ana ağır vəziyyətdə ilkin olaraq M.A.Qasımov adına Respublika Klinik Xəstəxanasına yerləşdirilib.
Azyaşlılar isə “Azərbaycan Uşaqları” İctimai Birliyinin Uşaq Sığınacağı-Reinteqrasiya Mərkəzinə qəbul olunublar.
