Sentyabr ayında Qarabağda aparılan lokal xarakterli antiterror əməliyyatları zamanı şəhid olan Mikayıl Həmidlinin oğlu olub. Bu haqda bu gün, 23 oktyabr tarixində Bakuplus.az “YAŞAT” Fonduna istinadən məlumat verir.
Bakı şəhərində doğulan Davud adlı körpənin zəruri xərcləri “YAŞAT” Fondu tərəfindən qarşılanıb. 1000 manat vəsait ananın hesabına köçürülüb, uşağın adına isə depozit hesabı açılacaq və 5000 manat vəsait onun hesabına yerləşdiriləcək. Həmin hesaba vəsait fonda edilən ianələr hesabına toplanmış məbləğdən köçürülür. Şəhidin övladı bu vəsaiti üzərinə mütəmadi toplanan faizlərlə birlikdə 18 yaşına çatdıqdan sonra hesabından çıxara biləcək.
Ölkədə “YAŞAT” Fondu tərəfindən həyata keçirilən "Onlar bizə əmanət" layihəsi indiyədək 111 şəhid övladını əhatə edib.
[caption id="attachment_117367" align="alignnone" width="640"]
Foto YAŞAT fondu[/caption]
