Azərbaycan Silahlı Qüvvələri tərəfindən Qarabağda qanunsuz erməni silahlı
qüvvələrinə qarşı həyata keçirilən antiterror əməliyyatından bir il ötür.
19 sentyabr 2023-cü ildə Azərbaycan Ordusunun Qarabağda həyata keçirdiyi lokal xarakterli antiterror tədbirləri zamanı Ermənistan ordusunun tör-töküntülərinə və separatçılara ağır zərbələr vuruldu. Düşmənin qüdrətli ordumuzun qarşısında 23 saat 43 dəqiqə dayanmağa gücü çatdı. Ağır itkilər verən işğalçılar ağ bayraq qaldıraraq təslim oldular.
Ordumuzun Qarabağda keçirdiyi lokal xarakterli antiterror tədbirləri zamanı hərbi qulluqçularımız böyük igidlik və qəhrəmanlıq göstərdilər. 19 sentyabrda uğurla həyata keçirilən bu tədbirlər nəticəsində Qarabağda erməni separatizminə son qoyuldu.
Silahlı toqquşma zamanı Quru Qoşunlarının 59 hərbi qulluqçusu, Xüsusi Təyinatlı Qüvvələrin 7 hərbi qulluqçusu, Komando Briqadalarının 41 hərbi qulluqçusu, Daxili Qoşunlarının 12 hərbi qulluqçusu, Hərbi Dəniz Qüvvələrinin isə 3 hərbi qulluqçusu şəhid olub. Hərbi qulluqçuların 203-ü hərbi əməliyyatlar zamanı, 2-si isə döyüşlərdən sonra müalicə aldığı hospitalda şəhid olub.
Antiterror tədbirləri zamanı Bakı şəhəri və Abşeron rayonundan şəhid olan Azərbaycan Ordusunun hərbçilərinin adlarını təqdim edirik:
Mayor Nəcəfi Elxan Şükür - Hövsan qəsəbəsi;
Kapitan Qeybəliyev Elvin Ağalar - Sabunçu rayonu, Pirşağı qəsəbəsi;
Baş leytenant Daşdəmirov Sahib Natiq - Nərimanov rayonu;
Leytenant Əliyev Şəhriyar Bəxtiyar - Sabunçu rayonu;
Əsgər Rzayev Ramil Elçin - Suraxanı rayonu, Əmircan qəsəbəsi;
Gizir Rəhimov Ramil Sucəddin - Ceyranbatan qəsəbəsi;
Əsgər Arzullayev Murad Təvəkkül - Xırdalan şəhəri.
