Bakıdakı ARTIM Layihə Məkanında oktyabrın 21-i saat 16:00-da “Metamorfoz” adlı ustad dərsi təşkil olunacaq. Bu haqda bu gün, 18 oktyabr tarixində Bakuplus.az məlumat verir.
Master-klas Fidan Nazim tərəfindən keçiriləcək.
Ustad dərsi zamanı iştirakçılar unikal fotoçap texnikası – sianotipiya ilə yaxından tanış olacaqlar. Sonra fotoplyonka, herbari və digər əşyalardan öz kompozisiyalarını hazırlayaraq, onları kağız üzərində çap etməyə çalışacaqlar.
Daha sonra absurdizm haqqında düşünərək, əsərlərini istədikləri ifadələr, dialoqlardan parçalar və ya hər hansı fikirlərlə tamamlayacaqlar.
Tədbirdə 16 yaşdan yuxarı olan hər kəs iştirak edə bilər. Qeydiyyat üçün: 0502514117 (Çərşənbə axşamı - bazar, 12:00-19:00).
