Ailəsinə şiddət göstərən şəxs saxlanılıb. Bu haqda bu gün, 20 fevral tarixində Bakuplus.az Apa-ya istinadən xəbər verir.
Daxili İşlər Nazirliyinin mətbuat xidmətinin əməkdaşı, polis mayoru Anar Qafarov məsələ ilə bağlı açıqlama verib. Rəsminin sözlərinə görə, sosial şəbəkədə yayılan görüntülər araşdırılıb.
"Əməlin Bakı şəhərinin Türkan qəsəbəsi sakini, 41 yaşlı Elnur Məmmədov tərəfindən törədildiyi müəyyən olunub. Fakta görə Cinayət Məcəlləsinin müvafiq maddəsi ilə cinayət işi başlanıb. Məmmədov şübhəli şəxs qismində saxlanılıb. Araşdırmalar davam etdirilir".
Həmçinin Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Teymur Mərdanoğlu bildirib ki, uşaq və ananın təhlükəsizliyi təmin olunub. Komitə əməkdaşları, psixoloqlar ana və uşaqla görüşüb vəziyyəti dəyərləndirəcəklər.
