Noyabrın 4-də Bakı və Abşeronun bəzi ərazilərində elektrik enerjisinin verilişində müvəqqəti fasilələr yaranacaq.
Bakuplus.az xəbər verir ki, bu barədə "Azərişıq" ASC məlumat yayıb.
Bildirilib ki, elektrik şəbəkəsində aparılacaq təmir və yenidənqurma işləri ilə əlaqədar Yasamal, Nizami, Binəqədi rayonlarında, həmçinin Abşeronun bəzi yaşayış məntəqələrində elektrik təchizatı məhdudlaşdırılacaq.
Yasamal rayonunda saat 10:00-dan 13:00-dək Balababa Məcidov, Cəfər Cabbarlı, Əli bəy Hüseynzadə, İbrahim Əbilov, Murtuza Muxtarov, Zərgərpalan küçələrində və Birinci Alatava yaşayış massivinin bir hissəsində işıq olmayacaq.
Nizami rayonunda Tofiq Abbasov küçəsi, 15 ünvanında saat 10:00-dan 14:00-dək elektrik enerjisinin verilişində qısamüddətli fasilə yaranacaq.
Binəqədi rayonunun Sulutəpə qəsəbəsinin bəzi ərazilərində isə saat 10:00-dan 16:00-dək elektrik təchizatı dayandırılacaq.
Abşeron rayonunun Masazır qəsəbəsində Heydər Əliyev, Zərifə Əliyeva, Babək, Üzeyir Hacıbəyov, Mirzə İbrahimov, Cəfər Cabbarlı, Əliağa Vahid, Afiq Əbdülhüseynov, Nazim Həsənov və Hamlet Həşimov küçələrinin müəyyən hissələrində saat 10:00-dan 14:00-dək işıq kəsiləcək.
