“Azərsu” ASC tərəfindən aparılan yoxlamalar zamanı içməli və tullantı su xidmətlərinə görə borclar, o cümlədən Yasamal rayonu ərazisində yeni tikilən çoxmənzilli yaşayış binalarında kodlar verilməsində nöqsanlar müəyyən edilib. Bu haqda bu gün, 28 fevral tarixində qurumun mətbuat xidməti xəbər verib.
Reydlər zamanı uzun müddətdir debitor borclarını ödəməyən binaların su təchizatı dayandırılıb. Belə ki, Qurban Xəlilov küçəsində yerləşən “Kainat” MTK-ya məxsus 16 mərtəbəli yaşayış binası, həmin küçədə yerləşən “Bakı” MTK-ya məxsus 16 mərtəbəli yaşayış binası, “Rahat məkan” MTK-ya məxsus 16 mərtəbəli yaşayış binasına suyun verilməsi dayandırılıb.
Həmçinin Ümid Əkbərov küçəsindəki apartament tipli beşmərtəbəli yaşayış binasında isə sudan uçotsuz istifadə halı aşkarlanıb. Burada da borc ödənilənə qədər binaya içməli suyun verilməsinin dayandırılması qərara alınıb.
[caption id="attachment_92395" align="alignnone" width="640"]
Foto Azərsu ASC-nin rəsmi saytı[/caption]
