Bakının Xəzər rayonu, Buzovna qəsəbəsində yerləşən qanusuz tikililərdən azad olunmuş qayalıqda daha bir hasar bərpa olunur. Bu haqda bu gün, 8 dekabr tarixində Caliber.az məlumat verir.
Bakı Şəhər İcra Hakimiyyətinin və paytaxtın Xəzər Rayon İcra Hakimiyyətinin işçiləri, eləcə də yerli sakinlər iməciliklər zamanı tikinti tullantılarını ərazidən çıxarırlar. Paralel olaraq ictimai çimərliklərə birləşdiriləcək ərazinin təmizlənməsi işləri aparılır.
Eyni zamanda mövcud hasarların sökülməsi ilə paralel villaların birində dağıdılmış hasarın yerinə yeni metal hasarın tikintisinə başlanılıb.
Buzovna sakinləri dövlət qurumlarından məsələyə müdaxilə etməyi və hasarı sökərək tikintisini dayandırmağı xahiş edirlər.
Bakı şəhər İcra Hakimiyyətindən vurğulanır ki, bütün sahil qanunsuz tikililərdən, şlaqbaumlardan və hasarlardan təmizlənənə qədər işlər davam etdiriləcək. Buzovna sakinləri də bu işlərdə fəal iştirak edir, mütəmadi olaraq iməciliklər keçirirlər.
[caption id="attachment_82283" align="alignnone" width="640"]
Foto Caliber.az saytı[/caption]
