Suraxanı rayonu, Bülbülə qəsəbəsi, Deputat küçəsinin sakinləri bir neçə problemdən əziyyət çəkirlər. Bu haqda bu gün, 12 aprel tarixində Bakuplus.az ARB-yə istinadən xəbər verir.
Adıçəkilən küçədə yaşayan sakinlər ünvan problemindən şikayət edirlər. Belə ki, 1 küçədə yerləşən 17 ev üçün eyni, yəni “Deputat, 8” ünvanı qeyd olunub. Bu da sənədləşmə zamanı bir sıra problemlərə yol açır.
“Təcili Yardım gəlib çıxa bilmir. O gələnə qədər insan ölür”, – deyə sakinlər bildirirlər.
Digər məsələ isə işıqlandırma ilə bağlıdır. Sakinlərin sözlərinə görə, ərazidə işıqlandırma tamamilə yoxdur.
“Cüzi 1 lampa belə yoxdur ki, camaat rahat hərəkət etsin. Trasdakı maşınların işığı düşür ancaq”, – deyə sakinlər bildirirlər.
