Məşhur musiqiçi Stiv Barakat Bakıda konsert verəcək. Bu haqda bu gün, 16 dekabr tarixində Bakuplus.az Heydər Əliyev Mərkəzinə istinadən xəbər verir.
Tədbir 50 yaşlı bəstəkarın “Neoreallıq” dünya turu çərçivəsində baş tutacaq. Konsert 10 fevral saat 19:00-da Heydər Əliyev Mərkəzində olacaq.
Stiv Barakat - “Steve Barakatt” Kanadanın Kvebek şəhərində livanlı ailədə dünyaya göz açıb. Musiqiçi, bəstəkar və prodüser olan sənətçi həm klassik, həm də caz ifaları ilə məşhurdur.
Musiqiçi UNİCEF-nin himni olan “Laylay”ın müəllifidir. Onun bir çox əsərləri dünyanın 150-dən çox teleşousunda, o cümlədən Monako avtomobil Qran-Prisində səsləndirilib.
Stiv Barakatın Bakı konserti 2 hissədən ibarət olacaq. Proqrama Barakatın son albomundan olan, eləcə də əvvəlki illərin ən sevilən əsərləri daxil olacaq.
