Bakının Xətai rayonu, Babək prospektində, “Maşın bazarı” adlanan ərazinin yaxınlığında fəaliyyət göstərən ticarət köşkünün ətrafına yığılan soyuducuların piyadaların və nəqliyyatın hərəkətinə çətinlik yaratdığı ilə bağlı müvafiq kadrlar yayılıb. Fotoşəkillər sosial şəbəkələrdə yayıldıqdan sonra soyuducular yığışdırılıb. Bu haqda bu gün, 19 yanvar tarixində Bakuplus.az məlumat verir.
“Bakı Gündəliyi” Facebook səhifəsində yayılan şəkillərdə səkilərdə və yol kənarlarındakı köşklərin ətrafına yığılmış soyuducuların hərəkət iştirakçılarına maneə yaratması əks etdirilir.
Daxili İşlər Nazirliyinin (DİN) mətbuat xidətindən verilən məlumata görə, qeyd olunan ərazidə qayda pozuntusu ilə müşahidə olunan hal aradan qaldırılıb.
İnzibati Xətalar məcəlləsinə uyğun olaraq, qanunsuz küçə ticarəti, yəni müvafiq icra hakimiyyəti orqanı tərəfindən müəyyən edilməyən yerlərdə malların satılmasına və ya işlərin, xidmətlərin görülməsinə görə 80 manat məbləğində inzibati tənbeh tədbiri tətbiq edilir.
