Badamdar qəsəbəsi, 3-cü yaşayış massivində yollarda asfalt örtüyü uzun müddətdir yoxdur. Bu haqda BakuPlus.az Real TV-yə istinadən bu gün, 2 iyun tarixində xəbər verir.
Dağılmış yollarda 1-cə metrlik belə asfalt örtüyü gözə dəymir.
Sakinlərin sözlərinə əsasən, yeni kanalizasiya və su sistemi çəkildikdən sonra yollar deformasiyaya uğrayıb. Yağışdan sonra yaranan gölməçələrin suyu günlərlə qurumur. Palçıq dizə çıxdığından, uşaqların məktəbə getməyi üçün avtomobil lazım olur.
Məsələ ilə bağlı Badamdar bələdiyyəsi bildirib ki, məhəllədaxili yolların asfaltlanması üçün sakinlər rəsmi qaydada müraciət etməyiblər. Bu cür problemlərə müraciətlər əsasında baxılır.
Avtomobil Yolları Dövlət Agentliyindən qeyd olunub ki, dövlət proqramına əsasən məhələdaxili yollar mərhələli şəkildə təmir olunur.
[caption id="attachment_46982" align="alignnone" width="800"] Foto Real TV-nin rəsmi Youtube kanalı[/caption]
