Bakı Beynəlxalq Avtovağzal Kompleksi (BBAK) 2009-cu ilin fevral ayından etibarən istifadəyə verilib. Lakin inşa olunduqdan sonra, bu 13 il ərzində üzə çıxan problemlər hələ də həll olunmayıb. Bu haqda bu gün, 16 dekabr tarixində Bakuplus.az məlumat verir.
Redaksiyaya daxil olan məlumata görə, kompleksdə olan ticarət mərkəzində yağışlı havalardan sonra dam örtüyün altında yığılan su tavandan damır. Nasazlıq illərlə davam etsə də, dam indiyədək təmir olunmayıb. Problemi həll etmək üçün sızma yerlərinin altına, su damcılayan yerlərə işçilər vedrələr qoyurlar. Bu mənzərə 2-ci və 3-cü mərtəbədə bir neçə yerdə müşahidə olunur.
Fotoşəkillərdən görünür ki, su toplandığından binanın metal konstruksiyaları və daxili bəzəyi xarab olur. Hər gün ticarət mərkəzinə gələn alıcılar və işçilər vedrələrin üstündən keçməyə və ya gölməçələrə girməyə məcbur olurlar.
[URIS id=83383]
