Bakıda marşrut avtobusun sürücüsü saatda 70 kilometr sürətlə avtobusu qapısı açıq şəkildə idarə edib. Avtobusun içərisi sərnişinlərlə dolu olduğundan bir neçə nəfər sallanaraq gedib. Bu haqda bu gün, 28 noyabr tarixində Bakuplus.az Xəzər Xəbər-ə istinadən məlumat verir.
Sözügedən avtobus 156 nömrəli xəttə məxsusdur. Bu xətdə işləyən avtobuslar metronun ''Memar Əcəmi'' stansiyasından Hökməli qəsəbəsinə və əks istiqamətdə sərnişin daşıyır.
Həmin marşrutun sürücüləri bildirdilər ki, 156 saylı xətdə cəmi 8 avtobus var. Sayın az olmasına baxmayaraq, bu avtobuslar sərnişinlərin mənzil başına çatmasına kifayət edir. Belə sıxlıqlar isə adətən, günün pik saatlarında yaşanır.
Məsələ ilə bağlı Bakı Şəhər Dövlət Yol Polisi İdarəsindən bildirilib ki, bu kimi hallarda kobud qayda pozuntusuna yol verən sürücü aşkar edilərək inzibati qaydada cərimə edilir. Həmçinin daşıyıcı şirkətə bu kimi halların qarşısını almaq məqsədilə xəbərdarlıq olunur.
[caption id="attachment_80836" align="alignnone" width="640"]
Foto Xəzər Xəbərin rəsmi Youtube kanalı[/caption]
