Bakıda sevgilisi ilə ayrılan qız məhkəməyə müraciət edib. Bu haqda bu gün, 11 yanvar tarixində Bakuplus.az Big.az-a istinadən məlumat verir.
Qızın sözlərinə görə, 5 il ərzində davam edən münasibətdən sonra oğlan onu tərk edərək ayrılıb. Qadın iddia edir ki, keçmiş sevgilisi 5 il ərzində ona ailə quracaqlarını bildirib, son vaxtlarda isə öz sözlərindən geri çəkilib.
“Tanış olanda 25 yaşımız vardı. İndi 30 yaşım var. Axırıncı ilə qədər heç bir problemimiz yox idi. Toy eləməyə imkanı yox idi, gözlədim. 3 ay əvvələ qədər hər şey yaxşı idi. Mənim 30 yaşım var, məni indi kim alacaq? Lap kiminləsə evlənsəm, axı mən ümidlərimi ona bəsləmişəm”, – şikayətçi deyib.
Qadın onu da qeyd edir ki, ayrıldıqdan sonra ailə həyatı qura bilmir. Bu səbəbdən də hüquqlarının bərpa olunmasını istəyir.
