Bakının Ramana qəsəbəsi, Şuşa şəhərciyində sakinlərin illər əvvəl istifadə etdikləri “Meşəlik” deyilən əraziyə avtomobillə giriş-çıxış birmənalı şəkildə qadağandır. Bir vaxtlar avtomobillərin rahatlıqla gedib-gəldiyi yolda şlaqbaum qoyulub və sakinlər evlərinə getmək üçün alternativ yoldan, yəni daha uzun məsafə qət etməklə getməyə məcbur olurlar. Bu haqda bu gün, 6 fevral tarixində Bakuplus.az ATV-yə istinadən məlumat verir.
Şlaqbaumla hərəkətin məhdudlaşdırıldığı yol 30-a yaxın yaşayış evinə gedir. Sakinlər yolun bağlanmış hissəsindən mərkəzi yola qədər piyada getməli olurlar. Avtomobili olanlar isə asfaltsız yoldan istifadə edərək daha uzun məsafə qət edirlər.
Sakinlərin evlərinə gedib-gəlməsi üçün alternativ yol var. Sadəcə həmin yol nisbətən yaşayış yerindən aralı və narahat olduğundan vətəndaşlar daha qısa yoldan istifadə etmək istəyirlər.
“Meşəlik” adlanan yer isə Bakı şəhər yaşıllaşdırma təsərrüfatı birliyinin balansındadır. Yolun bağlanmasına gəlincə aidiyyəti qurumdan bildirdilər ki, əraziyə tullantıların atılması, həmçinin ağacların məhv edilməsi cəhdlərinin qarşısının alınması məqsədilə bu istiqamətdə giriş məhdudlaşdırılıb.
[caption id="attachment_89581" align="alignnone" width="640"]
Foto ATV rəsmi Youtube kanalı[/caption]
