Bakıda ümumi təhsil müəssisələrinin şagirdləri arasında III Bakı Elm Olimpiadası baş tutacaq. Bu haqda bu gün, 23 fevral tarixində Bakuplus.az Report-a istinadən xəbər verir.
Olimpiada 9-cu və 10-cu sinif şagirdləri arasında 2 mərhələdə keçiriləcək.
Olimpiadanın əsas məqsədi şagirdlərin təbiət elmlərinə (fizika, kimya, biologiya) olan marağını artırmaq, onların praktik və yaradıcılıq bacarıqlarını inkişaf etdirmək, həmçinin istedadlı şagirdləri aşkar etməkdən ibarətdir.
İlk mərhələdə iştirak etmək üçün komandalar 29 fevral tarixinədək elektron qeydiyyatdan keçməlidir.
Martın 9-da olimpiadanın I mərhələsində ən yüksək nəticə göstərən 24 komanda billik yarışının II - final mərhələsində iştirak edəcək.
I mərhələdə iştirakçılara 3 saat ərzində hər fənn üzrə 15 sualdan ibarət test tapşırıqları veriləcək. Final mərhələsində isə 3 saat ərzində hər fənn üzrə 5 qapalı və 1 açıq tipli tapşırıq və növbəti 3 saat ərzində hər fənn üzrə 1 təcrübə işi yerinə yetirilməlidir.
