Ötən gün Bakıda 18 oktyabr - Müstəqilliyin Bərpası Günü münasibətilə tədbir keçirilib. Bu haqda Azərtac xəbər verib. Tədbir Azərbaycan Milli Elmlər Akademiyasının Mərkəzi Elmi Kitabxanasında (MEK) baş tutub.
MEK-ın baş direktoru professor Məmməd Əliyev Azərbaycanın müstəqillik yolu, xalqın bu yolda mübarizəsi, və ulu öndər Heydər Əliyevin buradakı rolundan bəhs edib.
MEK-də Müstəqilliyin Bərpası Günü münasibətilə sərgi də təşkil olunub. Koronavirus pandemiyası ilə əlaqədar yaranmış fasilədən sonra ənənəvi formatda keçirilən ilk sərgi karantin rejimi tələblərinə tam əməl olunmaqla oxucuların ixtiyarına verilib.
