Bakının İlham Məmmədov adına 261 nömrəli məktəb-liseyinin 3b sinfinin dünyasını dəyişən şagirdi Ağasəlim Nadirli M.Ə.Əfəndiyev adına Xətai Tibb Mərkəzində əməliyyat olunub. Bu haqda bu gün, 2 fevral tarixində Qafqazinfo məlumat verib.
Tibb mərkəzindən verilən məlumata görə, uşağın meyiti fevralın 1-i saat 20:25-də valideynlər tərəfindən xəstəxanaya gətirilib.
“Baxış zamanı meyitdə ölüm təsdiq olunub. Bununla bağlı aidiyyəti orqanlara dərhal məlumat verilib. Daha sonra meyit ekspertizaya göndərilib. Əlavə məlumat üçün bildiririk ki, 2014-cü il təvəllüdlü vətəndaşa 25.01.2023-cü il tarixində mərkəzdə tonzillektomiya əməliyyatı icra olunub və 26.01.2023-cü il tarixində kafi vəziyyətdə evə yazılıb”, - açıqlamada bidirilir.
