Paytaxtın müxtəlif rayonlarında dönərxanalarda növbəti plandankənar yoxlamalar həyata keçirilib. Bu haqda bu gün, 24 noyabr tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən xəbər verir.
Monitorinqlər çərçivəsində bəzi obyektlərdən hazır dönərlərdən nümunələr götürülüb və laboratoriyaya təqdim edilib.
Analizlərin nəticələri əsasında aşağıdakı müəssisələrin fəaliyyəti dayandırılıb:
- Bakı şəhəri, Nərimanov rayonu, Ə.Rəcəbli küçəsi, 7A ünvanında fəaliyyət göstərən dönərxana;
- Bakı şəhəri, Xəzər rayonu, Binə qəsəbəsi, Ə.İsazadə küçəsində (160 nömrəli marşrut xəttinin son dayanacağı) fəaliyyət göstərən “Kral Dönər”;
- Bakı şəhəri, Xəzər rayonu, Binə qəsəbəsi, Ə.İsazadə küçəsi, 2 ünvanında fəaliyyət göstərən “Stop Dönər”;
- Bakı şəhəri, Sabunçu rayonu, Zabrat qəsəbəsi, 122 ünvanında fəaliyyət göstərən dönərxana;
- Bakı şəhəri, Binəqədi rayonu, İ.Dadaşov küçəsi, 74 ünvanında fəaliyyət göstərən “Şaurma” restoranı;
- Bakı şəhəri, Suraxanı rayonu, Əmircan ştq, Z.Əliyev küçəsi, 27Q ünvanında fəaliyyət göstərən “Doneritto” restoranı;
- Bakı şəhəri, Nizami rayonu, Q.Qarayev prospekti, 114 ünvanında fəaliyyət göstərən “Dönər Storm”;
- Bakı şəhəri, Qaradağ rayonu, Lökbatan ştq, Sədərək TM, Zona 3, korpus 15, mağaza 127 ünvanında fəaliyyət göstərən “Ordubad” kafesi.
Məlum olub ki, yoxlama zamanı adıçəkilən obyektlərdə vətəndaşların sağlığına ziyan vuran müxtəlif bakteriyalar aşkarlanıb.
Aşkar edilmiş pozuntularla bağlı müəssisə rəhbərliyi barəsində inzibati tədbir görülüb.
AQTA tərəfindən yoxlamaların davam edəcəyi bildirilir.
