Bakının Xətai rayonunun 8 Noyabr prospekti, 92 ünvanında yerləşən bina qəzalı vəziyyətdədir. Bu haqda məlumatı Oxu.az 14 fevral tarixində verib.
Xətai rayon İcra Hakimiyyətinin İctimai-siyasi və humanitar məsələlər şöbəsinin müdiri Pənah İmanov binanın qəzalı vəziyyətdə olduğunu və istismar müddətinin başa çatdığını təsdiqləyib.
“Bildiyiniz kimi, ötən il Bakı Şəhər İcra Hakimiyyətinin başçısı tərəfindən qəzalı binalarla bağlı komissiya yaradılıb. Rayon İH tərəfindən də istismar müddəti bitən binaların siyahısı çıxarılıb. O cümlədən bizim qurum da bu addımı atıb. 8 Noyabr prospekti, 92 ünvanında yerləşən üçmərtəbəli bina da qeydiyyata alınıb. Bu məsələlərə baxılır, tədbirlər görüləcək”,- o əlavə edib.
Bundan əvvəl 8 Noyabr prospekti, 80 ünvanında yerləşən daha bir qəzalı ikimərtəbəli bina ilə bağlı məlumat yayılmışdı. Bu xəbərin dərcindən sonra Xətai Rayon İcra Hakimiyyəti sakinləri qeyd olunan yaşayış binasından köçürməyə başlayıb.
[URIS id=90707]
