Bakıda iki gün əvvəl evdən qaçan 17 yaşlı qız polis əməkdaşları tərəfindən Azərbaycan Uşaqlar Birliyinin sığınacağına yerləşdirilib. Bu haqda bu gün, 4 fevral tarixində Bakuplus.az məlumat verir.
Birliyin sədri Kəmalə Ağazadənin sözlərinə görə, qızın valideynləri onun axtarışı ilə bağlı polisə müraciət etməyiblər.
Kəmalə Ağazadə, həmçinin bildirib ki, qız gecə saat 02:00-dan bir nöqtəyə baxaraq susur.
“Ailə ilə bağlı araşdırma aparılır. Qızın səssizliyi ona daha çox diqqətli davranmağa vadar edir. Bu barədə Əmək və Əhalinin Sosial Müdafiəsi Nazirliyi yanında Sosial Xidmətlər Agentliyinə də məlumat veriləcək. Araşdırmalardan sonra məsələ barədə dəqiq bir fikir söyləmək olar”, - deyə Ağazadə əlavə edib.
