Bakıda 23-24 oktyabr tarixlərində gənc atalar üçün təlim təşkil olunacaq.
Təlim “ÖVLADIM ÜÇÜN - Gənc ataların fəal və məsuliyyətli atalıq fəaliyyətinə cəlb edilməsi” layihəsi çərçivəsində keçiriləcək.
Layihənin əsas məqsədi ataları öz övladlarına qayğı və məsuliyyətlə yanaşmağa, həmçinin fəal və düzgün atalıq fəaliyyətinə cəlb etməkdir.
Təlimlərin əhatə edəcəyi əsas mövzular:
- Ənənəvi sosial normaların, patriarxal mədəniyyətin və diskriminativ gender rollarının ailələrə təsiri;
- Uşaqların qayğısına qalma və ev işləri ilə bağlı məsuliyyətlərin həyat yoldaşı/partnyor ilə paylaşılmasının əhəmiyyəti;
- Fiziki və psixoloji sağlamlıq, idrak bacarıqları, sosial davranış və uşaqların akademik uğurları;
- Uşaqlara təhsildəki problemlər, həmyaşıdları ilə ünsiyyət, zorakılıq kimi problemlərin həllində daha yaxşı dəstəyin təmini;
- Erkən nikah, qız övladlarının təhsilə az cəlb edilməsi, uşaqlar arasında ayrı-seçkilik və zorakılıq kimi gender əsaslı problemlərin yeniyetmə qızlara təsiri;
- Ataların qızlarının hüquqlarının qorunmasını təmin etmə mexanizmləri.
Layihədə 21-35 yaş arası, məsuliyyətli atalıq konsepsiyasını öyrənməyə motivasiyalı, azı 1 övladı olan və ya növbəti 2 il ərzində ata olmağı planlayan şəxslər iştirak edə bilərlər.
İştirak etmək üçün qeydiyyatdan keçmək mütləqdir.
