Bakıda baş tutacaq ödənişsiz “Atalar Məktəbi - Məsuliyyətli Atalığa Doğru” layihəsinin tarixi açıqlanıb. Bu haqda 16 noyabr tarixində Bakuplus.az “GENDER HUB Azerbaijan”-a istinadən xəbər verir.
“Globus Center”da 20 noyabr saat 10:30-da baş tutacaq layihədə 21-36 yaş arası gənc atalar və ata olmağa hazırlaşan, məsuliyyətli atalıq konsepsiyasını öyrənməyə motivasiyalı olan şəxslər qatıla bilərlər.
Layihə aşağıdakıları hədəfləyir:
- Qadın hüquqlarını məhdudlaşdıran gender stereotipləri və patriarxal normalarla bağlı ictimai düşüncələrin dəyişdirilməsi;
- Uşaqlara qayğı göstərilməsinə kişilərin cəlb olunmasının və onların atalıq proqramlarında iştirakının artırılması;
- İştirakçılar arasında atalıq təcrübəsinin kişilər üçün vacib olmasına dair məlumatlılığın artırılması;
- Ailə planlamasının vacibliyini və ailədəki dəyərlərin formalaşmasında kişilərin rolunun iştirakçılara aşılanması.
Layihəyədə iştirak etmək üçün 0516475028 nömrəsinə müraciət etmək, və ya linkə daxil olaraq qeydiyyatdan keçmək mümkündür.
