Daxili İşlər Nazirliyinin (DİN) mətbuat xidməti qızın zorla ərə verilməsi ilə bağlı yayılan iddiaya münasibət bildirib.
Verilən məlumata görə, həmin kadrlar toyda çəkilsə də, hadisə 2022-ci ildə Bakıda yox, Azərbaycanın bölgələrinin birində baş verib.
Mübahisənin səbəbi isə qızın məcburi nikaha daxil edilməsi deyil, məişət xarakterli anlaşılmazlıq olub.
15:58 - Bakıda gənc qız zorla ərə verilib? – qurumlar açıqlama veriblər – VİDEO
Bu gün, 10 yanvar tarixində gənc qızın zorla ərə verildiyini əks etdirən kadrlar yayılıb. Videonun Bakının NZS qəsəbəsində çəkildiyi deyilir. Bu haqda Bakuplus.az məlumat verir.
Paylaşılan kadrlarda qızın evliliyə məcbur edildiyi iddia olunur. Lakin bu videonun harada və nə vaxt çəkildiyi barədə məlumat yoxdur.
Məsələ ilə bağlı Ailə, Qadın və Uşaq Problemləri üzrə Dövlət Komitəsinin rəsmisi Teymur Mərdanoğlu bildirib ki, videokadrların həqiqəti əks etdirməsi və Azərbaycana aid olub-olmaması araşdırılır. Aidiyyəti qurumların əməkdaşları ilə birlikdə aparılan araşdırmaların yekunu ilə bağlı ictimaiyyətə məlumat veriləcək.
