Yasamal rayonu, Şamil Əzizbəyov küçəsində naməlum şəxslər park edilən avtomobilin nömrəsini oğurlayıblar. Nömrəni qaytarmaq üçün isə sahibindən külli miqdarda pul tələb olunub. Bu haqda bu gün, 2 mart tarixində Bakuplus.az Xəzər Xəbər-ə istinadən məlumat verir.
Avtomobilin sahibi, Vəkillər Kollegiyasının üzvü Şahin Rəhimov avtomobilin üzərinə yazılan telefon nömrəsi ilə WhatsApp tətbiqində əlaqə saxlayıb. Nömrə müqabilində ondan külli miqdarda pul tələb ediblər.
Vətəndaş polisə müraciət edib və xüsusi əməliyyat zamanı nömrəsi geri qaytarılıb. Nömrəni gətirən taksi sürücüsü Yasamal rayon 27-ci Polis Bölməsinə dəvət edilib və izahatı alınıb. Hazırda bölmədə hadisəni törədən şəxs və ya şəxslərin axtarışları davam edir.
