Azərbaycanın paytaxtında əhali çirkli su ilə təmin olunur. Müvafiq görüntülər sosial şəbəkələrdə yayılıb. Bu haqda bu gün, 26 dekabr tarixində Bakuplus.az məlumat verir.
Belə ki, 20-ci sahə və Lökbatan qəsəbələrinin sakinləri evlərindəki krandan bulanıq suyun axdığını nümayiş etdiriblər.
“Bu, “Azərsu” Açıq Səhmdar Cəmiyyətinin bizə verdiyi sudur. Sonra da deyirik ki, su ilə işləyən məişət əşyaları xarab olur. Çirkdən qabın dibi görünmür”, – deyə istifadəçilər bildirir.
Azərbaycan Su Ehtiyatları Dövlət Agentliyinin tabeliyində olan “Azərsu” ASC-nin mətbuat xidmətinin rəhbəri Anar Cəbrayıllı bildirib ki, buna səbəb su xəttində baş vermiş qəzadır.
“Kür xəttində qəza olub və nəticədə belə problem yaranıb. Qəza zamanı xətti bağlayıb-açanda bu cür sarı lillənmə ola bilər. Çünki boru uzun müddət istismar olunmur və qəza aradan qaldırıldıqdan sonra qısa müddət sarı lillənmə yaranır”, – deyə o bildirib.
@nazakat_66 Qaradağ rayonu Lökbatan qəsəbəsinin su idarəsinin səlahiyyətli şəxsləri , su probleminə niyə nəzarət yoxdur ? Axı əhali əziyyət çəkir !!!!!#azərsu #meliorasiya ♬ orijinal ses - azeri melodiya
