Bakıda şəhidin övladı dünyaya gəlib. Bu haqda bu gün, 1 fevral tarixində Bakuplus.az “YAŞAT” fonduna istinadən xəbər verir.
Daxili İşlər Nazirliyinin Çevik Polis Alayının əməkdaşı Xəzər Zamanovun qız övladı dünyaya göz açıb. Ona Humay adı qoyulub.
Balacanın zəruri xərcləri "YAŞAT" Fondu tərəfindən qarşılanıb. Bununla bağlı 1000 AZN vəsait ananın hesabına köçürüləcək. Dünyaya yeni göz açan körpənin adına isə depozit hesabı açılacaq və 5000 AZN vəsait onun hesabına yerləşdiriləcək. Şəhidin övladı bu vəsaiti üzərinə mütəmadi toplanan faizləri ilə birlikdə 18 yaşına çatdıqdan sonra hesabından çıxara biləcək.
Daxili İşlər Nazirliyinin Çevik Polis Alayının əməkdaşı Xəzər Zamanov 19-20 sentyabr 2023-cü il tarixlərində keçirilən antiterror əməliyyatları zamanı şəhid olmuşdur.
[caption id="attachment_128347" align="alignnone" width="640"]
Foto YAŞAT Fondu Facebook səhifəsi[/caption]
